ચીનના એક શહેરથી શરૂ થયેલ કોરોના વાયરસ આજે વિશ્વના 200 જેટલા દેશોમાં પહોંચી ગયો છે. આ વાયરસને કારણે દુનિયાભરના અર્થતંત્રને ગંભીર ફટકો પડયો છે. વેપાર-ધંધા ઠપ થઇ ગયા છે.
ટ્વિટરમાં આ વર્ષે કમાણીમાં 18 ટકાનો ઘટાડો જોવા મળી શકે છે
ફેસબુકને આ વર્ષે કમાણીમાં 15.7 અબજ ડોલરનનું ગાબડું પડવાની શકયતા
વિશ્વની બે મોટી કંપનીઓ ફેસબુક અને ગુગલ પર કોરોના વાયરસની અસર ખૂબ મોટી સાબિત થવા જઈ રહી છે. એક અહેવાલમાં મુજબ કોરોના વાયરસને કારણે વર્ષ 2020માં ફેસબુક અને ગુગલને 44 અબજ ડોલર અથવા 4,400 મિલિયન ડોલરનું નુકસાન થશે. બીજા શબ્દોમાં કહીએ તો, વર્ષ 2020 માં કોરોના વાયરસને કારણે જાહેરાતમાં થયેલા ઘટાડાને લીધે આ બંને કંપનીઓને બહુ મોટું નુકસાન થશે.
ગ્લોબલ ઇન્વેસ્ટમેન્ટ બેંક અને નાણાકીય સેવાઓ આપતી કંપની કોવેન એન્ડ કંપનીના એક રિપોર્ટ અનુસાર વર્ષ 2020 માં ગૂગલની કુલ ચોખ્ખી આવક 127.5 અબજ ડોલર થવાની અપેક્ષા હતી પરંતુ કોરોના વાયરસને કારણે તેમાં 28.6 અબજ ડોલરનો ઘટાડો થવાની ધારણા છે. કોવેનના અહેવાલ મુજબ, ટ્વિટર માં આ વર્ષે કમાણીમાં 18 ટકાનો ઘટાડો જોવા મળી શકે છે.
ફેસબુકને આ વર્ષે જાહેરાતમાંથી 67.8 અબજ ડોલરની કમાણી થવાની અપેક્ષા હતી, પરંતુ કોરોનાને લીધે તેમાં 15.7 અબજ ડોલરનનું ગાબડું પડવાની શકયતા છે. જો કે, એવો દાવો પણ કરવામાં આવે છે કે વર્ષ 2021 માં ફેસબુકના એડવર્ટાઇઝિંગ બિઝનેસમાં 23 ટકાનો વિકાસ જોવા મળી શકે છે, જે આશરે 83 અબજ ડોલર જેટલો હશે.