દેશભર સહિત રાજ્યમાં લોકડાઉનની જાહેરાત કરવામાં આવી છે. ત્યારે વારંવાર લોકડાઉનની વચ્ચે પ્રજા કોઇ કારણ વગર બહાર નીકળતી હોય છે ત્યારે પોલીસ દ્વારા તેઓનો સમજાવી ઘરે પરત મોકલવામાં આવે છે. તેમ છતાં કેટલીક જગ્યાઓ પર લોકડાઉનના સમયમાં ઘરઆંગણે ક્રિકેટ રમતા જોવા મળી રહ્યાં છે. જો કે તેઓની સામે પણ પોલીસ દ્વારા કાર્યવાહી કરવામાં આવી છે.
રાજકોટમાં ક્રિકેટ રમનારા લોકો સામે પોલીસની કાર્યવાહી
લોકડાઉનનો ભંગ કરનારા 14 લોકો સામે કાર્યવાહી
કલમ 269, 114 અને જી.પી.એક્ટ કલમ 135 મુજબ કાર્યવાહી
પ્રાપ્ત મળતી વિગત અનુસાર લોકડાઉન હોવા છતાં રાજકોટના અનેક વિસ્તારોમાં યુવાનો ક્રિકેટ રમી રહ્યાં હતા. જેને લઇને શહેરની પોલીસ દ્વારા ક્રિકેટ રમાનાર લોકો સામે કાયદેસરની કાર્યવાહી હાથ ધરવામાં આવી છે.
રાજકોટ શહેરની પોલીસ દ્વારા લોકડાઉન હોવા છતાં પોતાના વિસ્તારોમાં ક્રિકેટ રમી રહેલા 14 લોકો સામે કલમ 144ની કલમ ભંગને લઇને ફરિયાદ નોંધી છે. ત્યારે હવે એ જોવાનું રહ્યું કે પોલીસની કાર્યવાહી બાદ અન્ય વિસ્તારમાં લોકો પોતાની શેરીમાં ક્રિકેટ રમવાનું બંધ કરી દેશે કે નહીં.
રાજકોટ શહેરની યુનિવર્સિટી પોલસી દ્વારા ક્રિકેટ રમાનારા લોકો સામે લોકડાઉન સમયે 144ની કલમ ભંગ કરનારાઓ 14 લોકો સામે ફરિયાદ નોંધી છે. જેમાં પોલીસ દ્વારા કલમ 269, 144 અને જી. પી. એક્ટ 135 મુજબ પોલીસે ફિયાદ નોંધીને કાર્યવાહી હાથધરી છે.