Coronavirus / લોકડાઉનને લઇને લોકોમાં જાગૃતિ માટે રાજકોટ પોલીસનો નવત્તર પ્રયોગ, કમિશ્નરે કર્યો આ આદેશ

• લોકોમાં જાગૃતિ માટે રાજકોટ પોલીસનો નવતર પ્રયોગ
• ડ્રોનમાં સ્પીકર દ્વારા રાજકોટ પોલીસ લોકોને આપે છે સંદેશ
• 15 જેટલા ડ્રોન દ્વારા શહેરના વિવિધ વિસ્તારમાં તપાસ કરાશે 

રાજ્યના રાજકોટ શહેરના પોલીસ તંત્ર દ્વારા લોકડાઉન વચ્ચે બહાર નીકળતા લોકોમાં જાગૃતિ લાવવા માટે નવત્તર પ્રયોગ શરૂ કર્યો છે. રાજકોટ પોલીસે ડ્રોનમાં સ્પીકર લગાવી લોકોને સંદેશ આપવાનું શરૂ કરવામાં આવ્યું છે. 
 

રાજકોટ શહેરની પોલીસ લોકડાઉનનો ચુસ્તપણ અમલ કરાવી રહી છે. બિન જરૂરી કામ વગર નિકળેલા બહાર લોકો સાથે કડક અમલ કરી પરત મોકલી રહી છે.

આ સાથે શહેરની પોલીસ 15 જેટલા ડ્રોન દ્વારા વિવિધ વિસ્તારમાં તપાસ કરશે. આ તપાસની સાથે લોક જાગૃતિ માટે ડ્રોનમાં સ્પીકર પણ લગાવામાં આવ્યું છે. આમ પોલીસ  ડ્રોનમાં સ્પીકર દ્વારા લોકોને સંદેશ આપી રહી છે. 
 

રાજ્યમાં લોકડાઉન હોવા છતાં રાજકોટ શહેરમાં લોકો બહાર નીકળી રહ્યાં છે, ત્યારે બહાર નીકળતા લોકો સામે પોલીસ કાર્યવાહી કરી રહી છે. શહેરના મોટા ભાગના વિસ્તારોમાં પોલીસ દ્વારા કડક ચેકિંગ કરવામાં આવી રહ્યું છે.

રાજકોટ શહેર પોલીસ કમિશનર મનોજ અગ્રવાલે સોશિયલ ડિસ્ટન્સ જાળવી  રાખવાનો આદેશ આપ્યો હતો. જેમાં જણાવામાં આવ્યું છે કે કારમાં બે અને સ્કટર પર એકથી વધારે લોકો હશે તો વાહન જપ્ત કરવામાં આવશે. આમ રાજકોટ પોલીસે બિનજરૂરી બહાર નિકળતા લોકો સામે લાલ આંખ કરી કડક કાર્યવાહી શરૂ કરી છે.