ગુજરાતમાં કોરોના વાયરસનો કહેર યથાવત જોવા મળી રહ્યો છે. કોરોના વાયરસ કહેર રાજ્યના બધા જિલ્લા સુધી પહોંચી ગયેલો જોવા મળી રહ્યો છે. રાજ્યના રાજકોટ જિલ્લાના ધોરાજીમાં કોરોનાનો પ્રથમ કેસો નોંધાયો છે. અત્યાર સુધી ધોરાજીમાં કોરોનાને લઇને એકપણ કેસ સામે આવ્યો નહોતો.
રાજકોટના ધોરાજીમાં પ્રથમ કોરોના કેસ નોંધાયા
ગોંડલ, જેતપુર, ઉપલેટા બાદ ધોરાજી પણ કોરોનાગ્રસ્ત
જેલમાં મોકલતા પહેલા ટેસ્ટ કરાવાતા પોઝિટિવ આવ્યો
રાજ્યના રાજકોટ જિલ્લાની વાત કરીએ તો અત્યાર સુધીમાં ધોરાજીમાં એક પણ કોરોનાનો કેસ નોંધાયો નહોતો. આમ જિલ્લામાં ગોંડલ, જેતપુર, ઉપલેટા બાદ ધોરાજી પણ કોરોનાગ્રસ્ત જોવા મળ્યું છે.
ધોરાજીના નળીય કોલોનીમાં રહેતા યુવાનમાં કોરોના પોઝિટિવ જોવા મળ્યો હતો. યુવક આરોગ્ય કર્મચારી ઉપર હુમલામાં પાસાનો આરોપી છે. આરોપીને જેલમાં મોકલતા પહેલા ટેસ્ટ કરવામાં આવતા કોરોના પોઝિટિવ આવ્યો હતો.
આ સાથે ધોરાજીમાં યુવકના ઘર પાસે જ 3 થી 4 ઘર અને 25 લોકોને ક્વોરન્ટાઇન કરવામાં આવ્યાં. આ અંગેની જાણકારી મળતા રાજકોટ આરોગ્યની ટીમ સહિત તંત્ર હરકતમાં આવી ગયું હતું. આ વિસ્તારની કોલોનીના 200 જેટલા ઘરોને ક્વોરન્ટાઇન કરવામાં આવ્યાં હતા.
આ સાથે આ વિસ્તારના 200 જેટલા ઘરોને ક્વોરન્ટાઇન કરવામાં આવતાં અંદાજીત 700થી 800 લોકો ક્વોરન્ટાઇન કરાયા છે. આમ તંત્ર દ્વારા આખા નળિયા વિસ્તારને સેનેટાઇઝ કરાયો છે.
જો કે ધોરોજીમાંથી કોરોનાનો સામે આવેલ પ્રથમ કેસ આરોપી હોય તેને પકડવા માટે રાજકોટ LCBની ટીમ ગઇ હતી. જેને લઇને LCB ના 4 કોન્સ્ટેબલને ક્વોરન્ટાઇન કરવામાં આવ્યાં છે. જો કે આ આરોપી ધોરાજી પોલીસ અને GRD જવાનના સંપર્કમાં આવ્યો હતો. આ સાથે કુલ 10 જેટલા સુરક્ષાકર્મીઓને ક્વોરોન્ટાઇન કરાયાં છે.