કોરોના સંકટમાં ગરીબોની મદદ કરીને મસીહા બનેલો સોનુ હાલ કોરોનાની ઝપેટમાં છે અને ક્વોરન્ટાઈન છે. ત્યારે હાલમાં જ કોરોનાને લઈને તેનું એક ટ્વિટ વાયરલ થઈ રહ્યું છે.
સોનુ સૂદ કોરોનાની ઝપેટમાં
સોનુએ કોરોનાને લઈને કર્યું ટ્વિટ
સોનુ સતત લોકોની મદદ કરી રહ્યો છે
ગત વર્ષે કોરોના વાયરસના કારણે મુંબઈમાંથી પલાયન કરી રહેલા પ્રવાસી મજૂરોની મદદ કરીને ગરીબોના મસીહા બનેલો સોનૂ સૂદ અત્યારે કોરોના સામે લડી રહ્યો છે. તે અત્યાર સુધી જરૂરતમંદ લોકોની સતત મદદ કરી રહ્યો છે. ત્યારે દેશવાસી સોનુ માટે પ્રાર્થના કરી રહ્યાં છે કે તે જલ્દી રિકવર થઈ જાય.
When people ask me how am I feeling?
I say: "I am perfect, Corona is suffering"
ચાહકો સોશિયલ મીડિયાના માધ્યમથી સોનુ સૂદના જલ્દી સાજા થવાની કામનાઓ કરી રહ્યા છે. જ્યારે એક ચાહકે ટ્વિટ કરીને કોવિડ-19 પોઝિટિવ સોનુને પૂછ્યું કે તમે કેવું ફીલ કરી રહ્યાં છો તો તેના જવાબમાં સોનુ સૂદે કહ્યું કે હું એકદમ સારો છું, કોરોના વાયરસને કષ્ટ થઈ રહ્યું છે.
સોનુ આ સમયે પણ લોકોને દરેક સંભવ મદદ કરી રહ્યો છે. સંક્રમિત થયા બાદ તેણે પોતાની ટ્વિટમાં કહ્યું કે તે મદદ માટે તૈયાર રહેશે. ત્યારે એક શખ્સે મદદ કરવા પર તેને ધન્યવાદ કહ્યું હતું. એ વ્યક્તિએ સોનુ પાસે આઈસીયુ બેડ અને એમ્બ્યુલન્સની માંગ કરી હતી. સોનુએ સોશિયલ મીડિયા પર કહ્યું કે આગામી 30 મિનિટમાં તેમને આઈસીયુ બેડ અને એમ્બ્યુલન્સ મળી જશે. તૈયારી કરો. સમય ઉપર મદદ મળવાથી વ્યક્તિએ ટ્વિટર ઉપર લખ્યું હતું કે જ્યારે તમે પોતે કોરોના પોઝિટિવ છો છતાં પણ ઝડપથી મદદ કરવા માટે ધન્યવાદ. તમારા સારા સ્વાસ્થ્ય માટે પ્રાર્થના કરું છું.
આ પહેલા સોનુ સૂદે સંક્રમિત થયા બાદ એક ટ્વિટમાં લખ્યું હતું કે, સવારથી મેં મારો ફોન નીચે રાખ્યો નથી. મને આખા દેશમાંથી સતત ફોન આવી રહ્યાં છે. લોકો બેડ, દવાઓ અને ઇન્જેક્શનની વ્યવસ્થા કરવા માટે કહી રહ્યાં છે. હું ખુબ જ લાચાર મહેસૂસ કરી રહ્યો છું. કારણ કે હું આ વસ્તુઓની વ્યવસ્થા નથી કરી શકતો. આ સાથે જ સોનુએ કોરોનાની ખરાબ સ્થિતિને જોતા લોકોને ઘરમાં રહેવા, માસ્ક પહેરવા અને પોતાને ઈન્ફેક્શનથી બચાવવાની અપીલ કરી છે.