દેશમાં કોરોનાના કેસ સતત વધી રહ્યા છે ત્યારે અનેક જગ્યાઓએ વેક્સીન બનાવવાનું કામ પૂર જોશમાં ચાલી રહ્યું છે. અનેક જગ્યાઓએથી તેને લઈને સારા સમાચાર પણ આવી રહ્યા છે. ઓક્સફોર્ડ યુનિવર્સિટીએ વેક્સીનને લઈને સારા સમાચાર આપ્યા છે. મળતી માહિતી અનુસાર ઓક્સફર્ડ યુનિવર્સિટીએ કોરોના વાયરસ વેક્સીનને લઈને શરૂઆતના ટ્રાયલ્સને લઈને સારા સમાચાર આવવાનો સંકેત આપ્યો છે. શક્ય છે આ સમાચાર જલ્દી જ એટલે કે 20 જુલાઈએ આવી જાય.
કોરોના વેક્સીનને લઈને આવી શકે છે સારા સમચાર
ઓક્સફર્ડ યુનિવર્સિટી રસીને લઈને જલ્દી કરશે મોટી જાહેરાત
પહેલા તબક્કાના રિપોર્ટની જોવાઈ રહી છે રાહ
અત્યારે વેક્સીનનું પહેલાથી ત્રીજા તબક્કામાં મોટા પાયે માનવીય પરીક્ષણ કરવામાં આવી રહ્યું છે. આ ટ્રાયલમાં એ જાણવાનો પ્રયાસ કરવામાં આવી રહ્યો છે કે શું કોરોના વાયરસની વિરુદ્ધ તે સુરક્ષા કરી શકે છે? પરંતુ તેને બનાવનારા પહેલા તબક્કાના રિપોર્ટની રાહ જોઈ રહ્યા છે. રિપોર્ટ જણાવશે કે વેક્સીન સુરક્ષિત છે કે નહીં અને તે પ્રતિરક્ષા પ્રતિક્રિયાને પ્રેરિત કરે છે કે નહીં. વેક્સીન ડેવલપર્સે આ મહિને કહ્યું હતું કે તેઓ અત્યાર સુધીના ટ્રાયલ્સમાં જોવા મળતી પ્રતિરક્ષા પ્રતિક્રિયાથી પ્રોત્સાહિત છે અને જુલાઈના અંત સુધીમાં પહેલા રિપોર્ટને પ્રકાશિત કરવાની આશા રાખી રહ્યા છે. માનવામાં આવી રહ્યું છે કે આ આંકડા લાંસેટ મેડિકલ જર્નલ દ્વારા પ્રકાશિત કરાશે.
દુનિયામાં 100થી વધારે વેક્સીન પર થયું ટેસ્ટિંગ
ઓક્સફર્ડ યુનિવર્સિટીના એક પ્રવક્તાએ જણાવ્યું હતું કે ટીમને આંકડાને માટે પ્રકાશનની તારીખ અને સમયની વૈજ્ઞાનિક પત્રિકાથી પુષ્ટિની રાહ જોવામાં આવી રહી છે પણ વધારે કોઈ નિવેદન આવ્યું નથી. તેઓએ કહ્યું કે અમે તેનું નિરાકરણ લાવી શક્યા નથી કે આ ક્યારે જાહેર થશે. પેસ્ટને એક બ્લોગમાં કહ્યું કે હું સાંભળી રહ્યો છું કે એસ્ટ્રા જેનેકા સાથે મળીને ઓક્સફોર્ડ તરફથી કોરોના વેક્સીનના શરૂઆતના ટ્રાયલને લઈને જલ્દી જ કોઈ સારા સમાચાર મળશે.
આ સમયે અમેરિકાના રાષ્ટ્રપતિ ડોનાલ્ડ ટ્રમ્પે બુધવારે ટ્વિટ કરી હતી અને કહ્યું કે ગ્રેટ ન્યૂઝ ઓન વેક્સીન. તેઓએ માન્યું કે વેક્સીનને લઈને કામયાબીની શક્યતાઓ વધી છે. અનેક જગ્યાઓએથી પરિણામ સામે આવી રહ્યા છે. આ કડીમાં મૉડર્ના ટ્રમ્પનું નામ પણ જોડાઈ ચૂક્યું છે. સૌથી પહેલાં કોવિડ 19ની આ વેક્સીન પહેલાં 2 ટ્રાયલ્સના પરિણામોથી વૈજ્ઞાનિકો ખુશ છે અને હવે તેનું ફાઈનલ ટેસ્ટિંગ થઈ રહ્યું છે. અગાઉના રિપોર્ટથી ખ્યાલ આવે છે કે લોકોની ઈમ્યુન સિસ્ટમ પર વેક્સીને યોગ્ય રીતે કામ કર્યું છે જેવી વૈજ્ઞાનિકોને આશા હતી.