કોરોના સંકટ / દેશમાં ભયજનક સ્તરે પહોંચ્યો કોરોના, 24 કલાકમાં નવા 9983 કેસ સાથે કુલ દર્દીનો આંકડો 2.50 લાખને પાર

• દેશમાં કુલ દર્દીનો આંકડો 2.56 લાખની ઉપર
• અત્યાર સુધીમાં કોરોનાથી 7,135 લોકોનાં મૃત્યું

ગત 24 કલાકમાં અંદાજે 10,000 નવા કેસ સામે આવ્યાં છે. કોરોનાથી અત્યાર સુધીમાં સૌથી વધારે મહારાષ્ટ્રમાં કેસ સામે આવ્યાં છે. અહીં દર્દીઓનો કુલ આંકડો 89,975 થઇ ગયો છે. જેમાં 3060 લોકોના મોત થયાં છે, જ્યારે 39,314 લોકો ઠીક થયાં છે. જ્યારે મહારાષ્ટ્રમાં હજુ પણ 43,601 કોરોના એક્ટિવ કેસ છે. 
 

India reports the highest single-day spike of 9983 new #COVID19 cases; 206 deaths in the last 24 hours. Total number of cases in the country now at 256611, including 125381 active cases, 124095 cured/discharged/migrated and 7135 deaths: Ministry of Health and Family Welfare pic.twitter.com/2PPinHr32A

— ANI (@ANI) June 8, 2020

બીજા નંબરે તામિલનાડું છે. અહીં કુલ દર્દીનો આંકડો 31,667 છે, જેમાં 269 લોકોના મૃત્યું થયાં છે, જ્યારે 16,999 લોકો સાજા થઇ ગયા છે. ત્રીજા નંબર પર દિલ્હી છે, જ્યાં કુલ દર્દીઓની સંખ્યા 27,654 છે, જેમાં 761 લોકોના મૃત્યું થયાં છે અને 10,664 લોકો સાજા થયાં છે. 

જ્યારે ગુજરાતમાં કોરોના દર્દીનો આંકડો 20 હજારની ઉપર પહોંચી ગયો છે. રાજ્યમાં અત્યાર સુધીમાં 1249 લોકોના મૃત્યું થયા છે અને 13,635 લોકો ઠીક થયા છે. રાજસ્થાનમાં કુલ દર્દીઓની સંખ્યા 10,599 છે, જેમાં 240 લોકોના મૃત્યું થયાં છે. રાજસ્થાનમાં હાલ એક્ટિવ કેસની સંખ્યા 2718 છે.