કોરોના સંકટ / અમદાવાદ બાદ સૌથી વધુ કોરોના સંક્રમણ ધરાવતા આ શહેરમાંથી આવ્યાં રાહતના સમાચાર, ટેસ્ટ ઘટયા કે કેસ?

• સુરત શહેરમાં કોરોના સંક્રમણને લઇ રાહતના સમાચાર
• શહેરમાં દિવાળી બાદ કોરોના આવ્યો આંશિક કાબુમાં
• દિવાળી બાદ પ્રથમ વખત પોઝિટિવ કેસની સંખ્યા 150ની નીચે

દિવાળીના તહેવાર બાદ રાજ્યના મહાનગરોમાં કોરોના ફરી બેકાબુ જોવા મળ્યો હતો. જેમાં સૌથી વધારે કોરોના સંક્રમણોની સંખ્યા અમદાવાદ અને સુરતમાં જોવા મળી રહી હતી. જો કે હાલ અમદાવાદ અને સુરત શહેરમાં કોરોના આંશિક કાબુમાં જોવા મળી રહ્યો છે. 
 

સુરતની વાત કરીએ તો દિવાળી બાદ પ્રથમ વખત પોઝિટિવ કેસોની સંખ્યા 150ની નીચે જોવા મળી છે. શહેરમાં ગઇકાલે 148 પોઝિટિવ દર્દીઓ નોંધાય છે. આમ મનપા દ્વારા દિવાળી બાદ કરાયેલી કામગીરી રંગ લાવી રહી હોવાનું સામે આવી રહ્યું છે. 

છેલ્લા 10 દિવસમાં કેટલા કેસ?

• 02 ડિસેમ્બર 252 
• 03 ડિસેમ્બર 246
• 04 ડિસેમ્બર 249
• 05 ડિસેમ્બર 241
• 06 ડિસેમ્બર 235
• 07 ડિસેમ્બર 222
• 08 ડિસેમ્બર 214
• 09 ડિસેમ્બર 212
• 10 ડિસેમ્બર 196
• 11 ડિસેમ્બર 194
• 12 ડિસેમ્બર 178
• 13 ડિસેમ્બર 172

ઉલ્લેખનીય છે કે રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં ગઇકાલે 1175 નવા કેસ સાથે કોરોનાનો કુલ આંકડો 2,27,683 પર પહોંચ્યો હતો. કોવિડ-19થી 11 વધુ દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4171 થઇ ગઇ હતી.. જો કે હાલમાં 13,298 એક્ટિવ કેસ છે. જેમાંથી 65 દર્દીઓ વેન્ટિલેટર પર છે.
 

કોરોના ટેસ્ટિંગની સંખ્યા ઘટી!

પ્રેસનોટ અનુસાર, આજે 1347 દર્દીઓ સાજા થયા છે. જેથી ગુજરાતમાં અત્યાર સુધીમાં 2,10,214 દર્દીઓ સ્વસ્થ થઇ ચૂક્યા છે. રાજ્યમાં કોરોનાથી સાજા થવાનો દર 92.33 ટકા છે. રાજ્યમાં આજે 55,989 ટેસ્ટ કરવામાં આવ્યા છે. જેથી અત્યાર સુધીમાં કુલ 86,69,576 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે.

69 હજારથી સીધો 55 હજારે પહોંચ્યો કોરોના ટેસ્ટિંગનો આંકડો

પ્રધાનમંત્રીની કોરોના ટેસ્ટિંગ વધારવાની અપીલ બાદ પણ રાજ્ય સરકાર દ્વારા કોરોના ટેસ્ટિંગ પર ભાર નથી મુકવામાં આવતો તે નજરે આવી રહ્યું છે. હાલ કોરોના વાયરસના કેસ ઓછા આવી રહ્યા છે તેનું કારણ કોરોનાનું ટેસ્ટિંગ ઘટાડવાનું કારણ પણ હોઇ શકે છે. તેથી રાજ્ય સરકાર કોરોનાને ગંભીરતાથી ન લઇ રહી હોય તેવું લાગી રહ્યું છે.

• 1 ડિસેમ્બરઃ 68852
• 2 ડિસેમ્બરઃ 69186
• 3 ડિસેમ્બરઃ 69735
• 4 ડિસેમ્બરઃ 69324
• 5 ડિસેમ્બરઃ 69668
• 6 ડિસેમ્બરઃ 69580
• 7 ડિસેમ્બરઃ 68598
• 8 ડિસેમ્બરઃ 60875
• 9 ડિસેમ્બરઃ 60661
• 10 ડિસેમ્બરઃ 60547
• 11 ડિસેમ્બરઃ 60523
• 12 ડિસેમ્બરઃ 60423
• 13 ડિસેમ્બરઃ 55,989

મહાનગરોમાં કેસ ઘટ્યા!

રાજ્યમાં આજે અમદાવાદ શહેરમાં 239-ગ્રામ્યમાં 8 કેસ, સુરત શહેરમાં 148-ગ્રામ્યમાં 24 કેસ, વડોદરા શહેરમાં 122-ગ્રામ્યમાં 40 કેસ, રાજકોટ શહેરમાં 99-ગ્રામ્યમાં 30 કેસ અને ગાંધીનગરમાં 52 કેસ નોંધાયા છે.