કોરોના સંકટ / અરવલ્લીના મોડાસામાં આરોગ્ય કેન્દ્રમાં કામ કરતી મહિલાને કોરોના પોઝિટિવ, તંત્ર હરકતમાં આવ્યું

• અરવલ્લીના મોડાસામાં મહિલા આરોગ્યકર્મીને કોરોના
• આરોગ્યકેન્દ્રમાં કામ કરતી લેબ ટેક્નિશિયનને કોરોના
• જિલ્લા કલેકટરે ટ્રાન્સપોર્ટનગર વિસ્તારના કન્ટેઈનમેન્ટ ઝોન જાહેર કર્યો

અરવલ્લીના મોડાસામાં મહિલા આરોગ્યકર્મીનો કોરોનાનો રિપોર્ટ પોઝિટિવ આવ્યો છે. આરોગ્યકેન્દ્રમાં કામ કરતી લેબ ટેક્નિશિયનને કોરોના થતા તંત્ર હરકતમાં આવ્યું છે. ત્યારે હવે જિલ્લા કલેકટર દ્વારા ટ્રાન્સપોર્ટનગર વિસ્તારને કન્ટેઈનમેન્ટ ઝોન જાહેર કરાયો છે.

આગામી 25 મે સુધી આ વિસ્તારમાં અવર-જવર બંધ રાખવાના આદેશ આપવામાં આવ્યા છે.17 મેના લોકડાઉન પૂર્ણ થયા બાદ પણ આ વિસ્તારમાં અવર-જવર બંધ રહેશે. જો દર્દી વહેલો સાજો થઈ જાય તો પ્રતિબંધમાંથી મુક્તિ અપાય તેવી શક્યતા છે.

આમ રાજ્ય અરવલ્લી જિલ્લામાં કોરોનાનો કહેર યથાવત જોવા મળ્યો છે. મોડાસામાં વધુ એક કોરોના પોઝિટિવ કેસ સામે આવ્યો છે. શહેરના ટ્રાન્સપોર્ટ નગરમાં મહિલાને કોરોનાનો કેસ થયો છે.. મહિલા પ્રાથમિક આરોગ્ય કેન્દ્રમાં કર્મચારી છે. આમ અરવલ્લી જિલ્લામાં કુલ 77 કોરોના કેસ નોંધાયા છે.