મોટા સમાચાર / ભારતને આ વર્ષે 5 કરોડ ડોઝ આપવા માટે તૈયાર ફાઈઝર, આવતા વર્ષ સુધી આવી શકે છે સિંગલ ડોઝ રસી

• ભારતને રસીના 5 કરોડ ડોઝ આપવા માટે તૈયાર 
•  ફાઈઝર આ પહેલા કેટલીક છુટ ઈચ્છે છે
• મોર્ડના આ વર્ષે ભારતને રસી નહીં આપી શકે

ભારતને રસીના 5 કરોડ ડોઝ આપવા માટે તૈયાર 

કોરોનાના રસીકરણની માંગ સ્પીડ પકડી રહી છે. આ દરમિયાન રસી નિર્માતા વિદેશી કંપનીઓ તરફથી એક સારા સમચાર આવી રહ્યા છે. અમેરિકન ફાર્મા કંપની ફાઈઝર આ વર્ષે એટલે કે 2021માં ભારતને રસીના 5 કરોડ ડોઝ આપવા માટે તૈયાર છે. ફાઈઝર આ પહેલા કેટલીક છુટ ઈચ્છે છે.

કંપની ક્ષતિપૂર્તિની સાથે મહત્વ પૂર્ણ નિયામક છુટ ઈચ્છે છે

સમાચાર એજન્સી પીટીઆઈએ સૂત્રોના હવાલાથી કહ્યું કે ફાઈઝર વર્ષ 2021માં જ રસીના 5 કરોડ ડોઝ આપવા માટે તૈયાર છે. પરંતુ આ માટે કંપની ક્ષતિપૂર્તિની સાથે મહત્વ પૂર્ણ નિયામક છુટ ઈચ્છે છે. સમાચાર એજન્સી પીટીઆઈના જણાવ્યાનુંસાર એક અન્ય અમેરિકન ફાર્મા કંપની મોર્ડના પોતાની સિંગલ ડોઝ રસી આવનારા વર્ષ સુધીમાં ભારતમાં લોન્ચ કરી શકે છે. 

મોર્ડના આ વર્ષે ભારતને રસી નહીં આપી શકે

મોર્ડના ભારતીય અધિકારીઓને આ વાતની જાણકારી આપી છે કે તેમની પાસે આ વર્ષે સરરપ્લસ રસી નથી. તે આ વર્ષે ભારતને રસી નહીં આપી શકે. સિપ્લા આવતા વર્ષ માટે મોર્ડનાની રસીના 5 કરોડ ડોઝનું ઉત્પાદન કરવા માટે તૈયાર છે. કંપનીએ આ માટે સરકાર પાસે પરવાનગી માંગી છે. સિપ્લાની અરજી પર કેન્દ્રીય  સ્વાસ્થ્ય મંત્રાલયે જલ્દી નિર્ણય લેવા કહ્યુ છે.

કંપની પેમેન્ટ પણ ભારત સરકાર પાસેથી જ લેશે

જાણકારી મુજબ ફાઈઝર જુલાઈથી રસી આપવા માટે તૈયાર છે. ફાઈઝર રસીના એક કરોડ ડોઝ જુલાઈ, એક કરોડ ડોઝ ઓગસ્ટ, સપ્ટેમ્બરમાં 2 કરોડ  અને ઓક્ટોબરમાં એક કરોડ ડોઝ આપવા માટે તૈયાર છે. ફાઈઝરે સાથે જ કહ્યું કે તે આ માટે ભારત સરકારની સાથે ડીલ કરશે. કંપની પેમેન્ટ પણ ભારત સરકાર પાસેથી જ લેશે.