નિવેદન / રાહુલ ગાંધીએ કહ્યું કોરોના વાયરસ મહામારી એક પડકાર, પરંતુ તેની સાથે...

• કોરોના વાયરસ એક મોટો પડકાર છે
• વૈજ્ઞાનિકો, એન્જીનિયર, ડેટા એક્સપર્ટને એકજૂટ કરવામાં આવે

કોંગ્રેસ નેતા રાહુલ ગાંધીએ તાજેતરમાં જ જરૂરીયાતમંદ લોકોને ચોખાની પાંચ ટ્રક, લોટ, ઘઉંની પાંચ ટ્રક અને કઠોળની એક ટ્રક તેમજ તેલ મસાલા અને અન્ય ખાદ્ય ચીજો મોકલી હતી. અમેઠી જિલ્લા કોંગ્રેસના પ્રવક્તા અનિલસિંહે જણાવ્યું હતું કે અમેઠીમાં કોઈ ભૂખ્યો ન રહી જાય અને દરેક જરૂરિયાતમંદોને રાહત સામગ્રી પહોંચાડે તે સુનિશ્ચિત કરવા માટે આજ સુધીમાં અમેઠી સંસદીય મત વિસ્તારની 877 ગ્રામ પંચાયતો અને નગર પંચાયતો / નગરપાલિકાઓમાં રાહુલ ગાંધી બાજુથી 16,400 રેશન કીટનું વિતરણ કરવામાં આવ્યું છે.
 

કોંગ્રેસના નેતા રાહુલ ગાંધીએ દેશમાં કોરોના વાયરસના કહેરની શરૂઆત બાદ સરકારને અનેક પ્રકારના સૂચનો આપ્યા છે. જોકે આજરોજ રાહુલ ગાંધીએ કહ્યું છે કે કોરોના વાયરસનો રોગચાળો ભલે મોટો પડકાર હોય, પરંતુ દેશ માટે તે પણ એક મોટી તક છે. આપણે વૈજ્ઞાનિકો, ઇજનેરો, ડેટા નિષ્ણાતોને એક કરવાની જરૂર છે જેથી તેઓ કટોકટીના સમયમાં જરૂરી ઉકેલો પ્રદાન કરી શકે.
 

The #Covid19 pandemic is a huge challenge but it is also an opportunity. We need to mobilise our huge pool of scientists, engineers & data experts to work on innovative solutions needed during the crisis.

— Rahul Gandhi (@RahulGandhi) April 18, 2020

આ અગાઉ રાહુલ ગાંધીએ ગુરૂવારે જણાવ્યું હતું કે કોરોના લોકડાઉન સંકટના કારણે દેશમાં આવનારા સમયમાં મોટી માત્રામાં બેરોજગારી સામે આવશે. જેને લઇને સરકારે નાના, લઘુ અને મધ્યમ ઉદ્યોગો (MSME)  અને કંપનીઓને રાહત પેકજ આપવું જોઇએ.