ભારતમાં પૂનામાં આવેલ સીરમ ઇંસ્ટીટયટૂ ઓફ ઇંડિયા (SII)એ ઑક્સફોર્ડની કોરોના વાયરસની વેક્સીનનું ટ્રાયલ હાલમાં રોકી દેવામાં આવ્યું છે. ડ્રગ કંટ્રોલર જનરલ ઓફ ઇંડિયા દ્વારા આગળનો નિર્દેશ ન મળવા સુધી ટ્રાયલ પર રોક લગાવામાં આવી છે. સુરક્ષાના કારણોના લઇને આ ટ્રાયલ રોકી દેવામાં આવ્યું છે.
ઑક્સફોર્ડ યુનિવર્સિટી અને એસ્ટ્રાજેનેકા પીએલસી તરફથી વિકસિત કરવામાં આી રહેલી વેક્સીનની ટ્રાયલના પ્રારંભિક પરિણામ ઘણા ઉત્સાહજનક રહ્યાં. જો કે, બ્રિટેનમાં એક વૉલન્ટિયરના બીમાર પડ્યા બાદ બ્રિટેન અને અમેરિકામાં ટ્રાયલ રોકી દેવામાં આવ્યાં.
સીરમ ઇંસ્ટિટયૂટના CEO અદર પૂનાવાલાએ કહ્યું હતું કે ભારતમાં વેક્સીનના ટ્રાયલ પર તેની કોઇ અસર નહી પડે. ત્યાર બાદ, ડ્રગ્સ કંટ્રોલ જનરલ ઓફ ઇંડિયાએ સીરમ ઇંસ્ટીટયૂટ ઓફ ઇન્ડિયાને નોટિસ જારી કરી દીધી અને સવાલ કર્યો હતો કે સીરમમાં DGCI એ બીજા દેશોમાં ચાલી રહેલા ટ્રાયલના પરીણામો અંગે જાણકારી કેમ ના આપી.
ભારતમાં ઑક્સફોર્ડની વેક્સીનના બીજા અને ત્રીજા ફેઝના ટ્રાયલ 17 જગ્યાઓ પર ચાલી રહ્યાં છે. જો કે, DCGIની નોટસ મળ્યા બાદ સીરમ ઇંસ્ટિટયૂટે ટ્રાયલ રોકવાનો નિર્ણય લીધો છે.
ટ્રાયલના પહેલા અને બીજા સફળ તબક્કાથી ઘણી આશા વ્યકત કરવામાં આવી છે અને વેક્સીનના મોટા પ્રમાણમાં ઉત્પાદન માટે દુનિયાભરમાં ઘણા ટાઇ-અપ થયા. ત્રીજા તબક્કામાં વેક્સીનના ટ્રાયલને અમેરિકા, બ્રાઝિલ, દક્ષિણ અમેરિકા અને ભારતમાં વિસ્તારીત કરવામાં આવ્યાં હતા. સીરમ ઇંસ્ટિટયૂટે જણાવ્યું હતું કે ભારતની સાથે-સાથે તે અન્ય બીજા દેશોને વેક્સીન ઉપલબ્ધ કરાવશે.
પ્રાપ્ત મળતી વિગત અનુસાર ટ્રાયલ દરમિયાન બ્રિટેનમાં એક વોલન્ટિયરને ટ્રાંસવર્સ માયલાઇટિસની ખબર પડી, જે સ્પાઇનલ કોર્ડને પ્રભાવિત કરનાર એક ઇંફલેમેટરી સિંડ્રોમ છે, જેના માટે વાયરલ ઇંફેકશન જવાબદાર હોય શકે છે. કારણ જાણવા માટે એક સ્વતંત્ર તપાસ કરવામાં આવી રહી છે. ટ્રાયલને ફરીથી શરૂ કરવાનો નિર્ણય મેડિસિન એન્ડ હેલ્થેકર રેગ્યુલેટરી એજન્સી (MHRA) તરફી લેવામાં આવશે.