ખુશખબર / ભારતમાં કોરોનાની વેક્સિનને લઇને આવ્યા મહત્વના સમાચાર, સીરમ ઇન્સ્ટિટ્યૂટને મળી હવે આ મંજૂરી

• ઓક્સફર્ડ યુનિવર્સિટીની કોવિડ-19 વેક્સિનનું ભારતમાં ટ્રાયલ 
• બીજા અને ત્રીજા તબક્કાના ટ્રાલયને મળી મંજૂરી
• ભારતમાં 1600 વોલેન્ટિયર હશે 

ઓક્સફર્ડ યુનિવર્સિટી અને એસ્ટ્રાઝેનેકા કંપની સીરમ ઇન્સ્ટિટ્યૂટ ઓફ ઈન્ડિયાના સહયોગથી રસી વિકસાવી રહી છે. ભારતમાં આ રસી કોવિશિલ્ડ (એઝેડડી 1222) તરીકે શરૂ કરવામાં આવશે. આ રસી ભારત સહિત અન્ય 60 દેશોમાં પૂરી પાડવામાં આવશે. કંપની દ્વારા ઉત્પાદિત કુલ રસીઓમાં 50 ટકા ભારત માટે હશે.

ભારતમાં 1600 વોલેન્ટિયર હશે 

ઇન્ડિયન એક્સપ્રેસના એક અહેવાલ મુજબ, સીરમ સંસ્થાની ટ્રાયલ દેશમાં 18 સ્થળોએ થશે. તેમાં 1600 સ્વયંસેવકો સામેલ થશે. આરોગ્ય મંત્રાલયના જણાવ્યા અનુસાર, ડ્રગ કંટ્રોલરની મંજૂરી સાથે, રસી તૈયાર કરવાનું કામ ઝડપી કરવામાં આવશે.

ટ્રાયલ મોટા પાયે કરવામાં આવશે

નેશનલ બાયોફર્મા મિશન અને ગ્રાન્ડ ચેલેન્જ ઇન્ડિયા કાર્યક્રમ અંતર્ગત સરકાર અને મેલિન્ડા ગેટ્સ ફાઉન્ડેશન વચ્ચે સમજૂતી થઈ છે. આ કાર્યક્રમ અંતર્ગત માત્ર રસી પરીક્ષણો મોટા પાયે લેવામાં આવશે. આ માટે ઘણી સંસ્થાઓની પસંદગી કરવામાં આવી છે. આમાં હરિયાણાની પલવાલની આઈએનસીએલએન, પૂણેની કેઇએમ હોસ્પિટલ, હૈદરાબાદમાં સોસાયટી ફોર હેલ્થ એલાયડ રિસર્ચ એન્ડ એજ્યુકેશન, ચેન્નાઇમાં નેશનલ ઇન્સ્ટિટ્યૂટ ઓફ એપીડિમોલોજી અને વેલોરમાં ક્રિશ્ચિયન મેડિકલ કોલેજ શામેલ છે.

રશિયાએ પણ કોરોનાની દવાને લઇને કર્યો છે મોટો દાવો 

રશિયા ઓક્ટોબરથી પોતાના દેશમાં મોટા પાયે કોરોના વાયરસ રસીકરણ કાર્યક્રમ શરૂ કરવા જઈ રહ્યો છે. રશિયા જેનો દાવો કરે છે તેનો અર્થ એ છે કે તે અમેરિકા, બ્રિટન અને ચીનથી રસી બનાવવામાં આગળ વધી ગયું છે.

જો કે, રશિયાના દાવાની સ્વતંત્ર રીતે પુષ્ટિ થઈ નથી. પરંતુ જો રશિયન કોરોના રસી પહેલા સફળ સાબિત થાય છે, તો ભારત પણ તેનો પુરવઠો મેળી શકે છે.

સુરક્ષા સંબંધી ડેટા કેન્દ્રના સીડીએસસીઓપાસે જમા કરાવશે

એક વરિષ્ઠ અધિકારીએ જણાવ્યું કે કંપનીના ત્રીજા ચરણના ક્લિનિકલ ટ્રાયલ પહેલા સુરક્ષા સંબંધી ડેટા કેન્દ્રના સીડીએસસીઓની પાસે જમા કરાવશે. જેનું મુલ્યાંકન ડીએસએમબીએએ કર્યું હશે.

તેમણે જણકારી આપી કે શોધની રુપરેખા મુજબ શોધમાં ભાગ લેનારા તમામ વ્યક્તિને 4 અઠવાડિયાના અંતરે 2 ડોઝ આપવામાં આવશે. એટલે કે પહેલા ડોઝના 29માં દિવસે બીજો ડોઝ આપવામાં આવશે. આ દરમિયાન તેના સુરક્ષાનું તથા અન્ય તમામ બાબતોનું આકલન કરવામાં આવશે.

અધિકારીએ જણાવ્યું કે વિશેષજ્ઞોની પેનલે પહેલા અને બીજા ચરણના પરિક્ષણ બાદ મળેલા ડેટાનું ગહન અધ્યયન કરી વિચાર વિમર્શ બાદ વયસ્કો પર બીજા અને ત્રીજા ચરણના પરિક્ષણની મંજૂરી આપી છે. ઉલ્લેખનીય છે કે ઓક્સફોર્ડની આ રસીના ત્રીજા ચરણનું પરિક્ષણ બ્રિટનમાં ચાલી રહ્યું છે.