કોરોના વાયરસને કારણે દુનિયાભરમાં સંક્રમિત લોકોની સંખ્યા 88 હજારને પાર પહોંચી છે જ્યારે દુનિયાભરમાં 3000 લોકોના મોત થયા છે. અનેક ફલાઈટ્સ પણ કેન્સલ કરવામા આવી છે તો સ્ટોક માર્કેટની સ્થિતિ અત્યંત ખરાબ જોવા મળી રહી છે. આજે કોરોના વાયરસના કારણે અમેરિકામાં બીજી વ્યક્તિનું મોત થયું છે. તો કોરોનાના કારણે મૃત્યુ પામનારની સંખ્યામાં 34નો વધારો થયો છે.
કોરોના વાયરસથી વધુ એકનું મોત
કોરોનાથી USના વોશિગ્ટનમાં બીજુ મોત
ઈટલીમાં થયા 34 લોકોના મોત
ઈટલીમાં પણ વર્તાયો કોરોનાનો કહેર
ઈટલીમાં કોરોનાનો કહેર સતત વધી રહ્યો છે. જેના કારણે અહીં 34 લોકોના મોત નીપજ્યા છે. 85 ભારતીય વિદ્યાર્થીઓ અહીં ફસાયા છે. આ વિદ્યાર્થીઓએ મદદ માંગી. ફ્લાઈટ રદ થતાં વિદ્યાર્થીઓ ફસાયા હોવાનું જાણવા મળ્યું છે.
USમાં કોરોના વાયરસથી બીજુ મોત નીપજ્યું છે. અહીં કોરોના વાયરસના 4 નવા કેસ નોંધાયા છે. ફક્ત વોશિંગ્ટનમાં કોરોના વાયરસના 13 પોઝિટિવ કેસ જોવા મળ્યા છે.
ફક્ત ચીનમાં 2870 મોત, 79થી વધુ અસરગ્રસ્ત
કોરોનાથી હાલ સુધી ચીનમાં 79824 કેસ નોંધાયા છે અને સાથે 2870 લોકોના મોત નીપજ્યા છે. અન્ય દેશમાં પણ સ્થિતિ ખરાબ જોવા મળી રહી છે. વોશિંગ્ટનમાં કોરોનાની એક મહિલાના મોત બાદ અમેરિકાના ન્યુયોર્ક શહેરમાં કોરોનાનો એક કિસ્સો જોવા મળ્યો છે. તેના નાગરિકોને કોરોનામાં સંક્રમણથી બચાવવા માટે રાષ્ટ્રપતિ ડોનાલ્ડ ટ્રમ્પે છેલ્લા 14 દિવસમાં ઈરાન પ્રવાસ કરનારા વિદેશી નાગરિકોના પ્રવેશ પર પ્રતિબંધ મૂક્યો છે.
ચીન બાદ સૌથી વધારે મોત ઈરાનમાં
પશ્ચિમ એશિયન દેશમાં ઈરાનમાં કોરોના દ્વારા 54 લોકોનાં મોત નીપજ્યાં છે અને 978 લોકોને ચેપ લાગ્યો છે. મોટી સંખ્યામાં ભારતીય નાગરિકો ત્યાં ફસાયા છે, ભારત સરકારે ખાલી કરવાના પ્રયત્નો ઝડપી બનાવ્યા છે અને સ્થાનિક વહીવટ સાથે વાતચીત ચાલી રહી છે. ઈટલીમાં પણ 34 લોકોના કોરોના વાયરસના કારણે મોત નીપજ્યા છે.
ગલ્ફ દેશોમાં થઈ સ્ટોક માર્કેટ પર અસર
કોરોના વાયરસને કારણે ગલ્ફ દેશોના શેર બજારોમાં ઘટાડો થયો છે. આથી ગલ્ફ દેશોની અર્થવ્યવસ્થા પર ખતરો છે. વિશ્વના ટોચના 10 ઇક્વિટી બજારોમાંના એક સાઉદી બોર્જ રવિવારે 18 મહિનાના નીચા સ્તરે એટલે કે 3.7 ટકાની સાથે બંધ રહ્યો છે.