ચીનના વુહાન શહેરમાં કોરોના વાયરસથી મૃત્યુ પામનારની સંખ્યામાં અચાનક 50 ટકાનો વધારો જોવા મળ્યો છે. તેની પાછળનું કારણ કહેવામાં આવી રહ્યું છે કે ચીને અગાઉ આપેલા આંકડામાં સુધારો કર્યો છે અને હવે નવા આંકડા આવ્યા છે.
ચીનના વુહાનમાં અચાનક વધ્યો મૃત્યુઆંક
ચીનના મૃત્યુઆંકમાં સુધારા બાદ 50 ટકાનો વધારો
WHOએ દરેક દેશોને આપી આ ખાસ ચેતવણી
વર્લ્ડ હેલ્થ ઓર્ગેનાઇઝેશન (WHO) એ કહ્યું છે કે આખી દુનિયાને પણ ચીન જેવી પરિસ્થિતિનો સામનો કરવો પડશે. WHOનું કહેવું છે કે વુહાનમાં ડિસેમ્બર મહિનામાં પહેલો કેસ પ્રકાશમાં આવ્યા પછી આ રોગ ભયંકર રૂપમાં ફેલાયો. આખું શહેર તેની પકડમાં આવી ગયું. ત્યાંના અધિકારીઓનો પ્રયાસ એ હતો કે તેમના રજિસ્ટરમાં મૃત્યુના દરેક આંકડા રજિસ્ટરમાં નોધવામાં આવે.
ચીનના ડેટામાં વારંવાર કરવામાં આવી રહ્યા છે ફેરફાર
પરંતુ હાલમાં તે નકારી શકાય નહીં કે શરૂઆતમાં આ રોગના ફેલાવવાની વાતને રોકવા માટેના બધા પ્રયત્નો કરવામાં આવ્યા હતા. જે ડોક્ટરો આ ભય વિશે ચેતવણી આપી રહ્યા હતા તેમને પણ સજા કરવામાં આવી. આ સાથે જ્યારે આ રોગ ચરમસીમાએ હતો, ત્યારે ચીની સરકાર દ્વારા જાહેર કરવામાં આવેલા ડેટા પર પણ સવાલ ઉઠાવવામાં આવ્યા હતા કારણ કે તે વારંવાર તેના ડેટા એકત્રિત કરવાની પ્રક્રિયામાં ફેરફાર કરી રહ્યો છે.
અનેક દેશ ચીનની જેમ પોતાના રેકોર્ડ બદલી શકે
વિશ્વ સ્વાસ્થ્ય સંગઠનનું કહેવું છે કે જ્યારે બીમારી ફેલાય છે તો તે સમયના આંકડા મેળવવાનું કામ મુશ્કેલ હોય છએ. આ સમયે દરેક કેસની ઓળખ મુશ્કેલ બને છે. WHOમાં કોરોનાના કેસને લઈને બનેલી વિંગના અધ્યક્ષનું કહેવું છે કે અનેક દેશ ચીનની જેમ પોતાના રેકોર્ડ બદલી શકે છે. આ સમયે જ તેમના સાચા કેસની ઓળખ થઈ શકશે.
વુહાનમાં મૃતકોની સંખ્યામાં 1290 કેસનો વધારો થતાં કુલ મૃત્યુઆંક 4869 થયો
ઉલ્લેખનીય છે કે નવા આંકડા અનુસાર વુહાનમાં મૃતકોની સંખ્યામાં 1290 કેસનો વધારો થતાં કુલ મૃત્યુઆંક 4869 થયો છે. હાલમાં 32 કેસનો વધારો થયો છે અને કુલ કેસની સંખ્યા 50,333 થઈ છે. WHOના વિંગ અધ્યક્ષ મારિયા વૈનનું કહેવું છે કે સંક્રમણ જ્યારે ઉચ્ચ કક્ષાએ હતું ત્યારે વુહાનનું સ્વાસ્થ્ય મંત્રાલય ખૂબ જ પ્રભાવિત હતું. કેટલાક દર્દીના ઘરમાં મોત થયા હતા અને તે સમય તમામ ફોકસ દર્દીઓની સારવારમાં હતું. કાગળની કાર્યવાહીનો સમય જ રહ્યો નબીં. WHOના ઈમરજન્સી ડાયરેક્ટર માઈકલ રેયાને પણ કહ્યું કે દરેક દેશોએ આ સ્થિતિનો સામનો કરવો પડી શકેે છે.