• Home
  • India
  • coronavirus outbreak india tally crosses 38 lakh mark more than 80 thousand-covid cases in last 24 hours

ચિંતા / ભારતમાં એક દિવસમાં મળ્યા કોરોનાના ચિંતાજનક કેસ, કુલ આંક 38 લાખને પાર થયો

Team VTV 10:52 AM, 03 Sep 20
coronavirus outbreak india tally crosses 38 lakh mark more than 80 thousand-covid cases in last 24 hours

દેશમાં કોરોના વાયરસના દર્દીનો આંક બુધવારે 38 લાખને પાર થયો છે. એક દિવસમાં ભારતમાં દુનિયાભરમાં સૌથી વધારે કોરોનાના કેસ આવ્યા છે. 24 કલાકમાં રેકોર્ડ બ્રેક એટલે કે 83 હજાર 883 નવા કેસ આવ્યા છે. આ સાથે જ 1043 લોકોના મોત થયા છે. આ પહેલાં 29 ઓગસ્ટે 78 હજારથી વધુ કેસ આવ્યા હતા. કોરોનાના દર્દીઓનો કુલ આંક 38 લાખ 53 હજાર 407 થયો છે.

  • દેશમાં વધ્યું કોરોના સંક્રમણ
  • કુલ આંક 38 લાખને પાર થયો
  • 24 કલાકમાં 83883 નવા કેસ 1043 મોત

સ્વાસ્થ્ય મંત્રાલયના અપડેટ અનુસાર દેશમાં કોરોનાથી 8 લાખ 15 હજાર 538 એક્ટિવ કેસ છે. કોરોનાથી અત્યારસુધીમાં 67 હજાર 376 દર્દીના મોત થયા છે. અત્યારસુધી 29 લાખ 70 હજાર 493 લોકો વાયરસના સંક્રમણનો શિકાર બન્યા છે. 

અમેરિકા અને બ્રાઝિલમાં કોરોના સંક્રમણની સરખામણીએ ભારતમાં વધારે કેસ છે. અહી 1 કરોડથી વધુ લોકો સંક્રમિત થયા છે અને 3 લાખથી વધુ દર્દીના મોત થયા છે. 24 કલાકમાં અમેરિકામાં 40899 કેસ અને 1067 મોત અને બ્રાઝિલમાં 48632 કેસ અને 1218 મોત થયા છે. 

7 દિવસમાં 1.11 ટકા વધ્યા કોરોનાના એક્ટિવ કેસ

એક અઠવાડિયાથી દેશમાં કોરોનાના એક્ટિવ કેસ સતત વધી રહ્યા છે. 26 ઓગસ્ટથી 1 સપ્ટેમ્બરની વચ્ચે એક્ટિવ કેસમમાં 1.5 ટકાનો વધારો થયો છે. હોસ્પિટલ અને હોમ આઈસોલેશનમાં દર્દીઓ સારવાર લઈ રહ્યા છે. એક્ટિવ દર્દીની સંખ્યામાં એકાએક 1.11 ટકાનો વધારો ચિંતાનો વિષય છે. 

અત્યાર સુધી કેટલું થયું ટેસ્ટિંગ

સ્વાસ્થ્ય અને પરિવાર કલ્યાણ મંત્રાલયના આધારે દેશમાં છેલ્લા 24 કલાકમાં કોરોનાના 11,70,000થી વધારે ટેસ્ટ થયા છે તેમાંથી 11 લાખ સેમ્પલનું ટેસ્ટિંગ કાલે થયું હતું, આ સાથે પોઝિટિવિટી રેટ 7 ટકાથી પણ ઓછો છે. 

મૃત્યુદરમાં થયો ઘટાડો

રાહતની વાત એ છે કે મૃત્યુદર અને એક્ટિવ કેસ રેટમાં સતત ઘટાડો થઈ રહ્યો છે. મૃત્યુદર ઘટીને 1.75 ટકા થયો છે. એક્ટિવ કેસની સારવાર થઈ રહી છે. તે ઘટીને 21 ટકા થયો છે. રિકવરી રેટ 77 ટકા થયો છે. ભારતમાં રિકવરી રેટ સતત વધી રહ્યો છે. 

Coronavirus cases Death Outbreak કોરોના વાયરસ કેસ મોત ચિંતા
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ