કોરોના વાયરસ / મહારાષ્ટ્રમાં કોરોના વાયરસની બેકાબૂ રફતાર : એક જ દિવસમાં આટલા કેસથી વધી ચિંતા

• દેશભરમાં બુધવારે કોરોનાથી 16 હજાર 41 લોકો સંક્રમિત મળ્યા
• કોરોનાના રોજ આવતા મામલામાં ભારત ચોથા નંબર પર પહોંચી ગયું 
• મહારાષ્ટ્રના લાતૂરમાં 27 અને 28 ફેબ્રુઆરીએ જનતા કર્ફ્યૂ

 દેશભરમાં બુધવારે કોરોનાથી 16 હજાર 41 લોકો સંક્રમિત મળ્યા

સ્વાસ્થ્ય મંત્રાલયના જણાવ્યાનુંસાર દેશભરમાં બુધવારે કોરોનાથી 16 હજાર 41 લોકો સંક્રમિત મળ્યા. ગત દિવસે 11 હજાર 130 લોકોની રિકવરી થઈ. 24 કલાક દરમિયાન 128 દર્દીઓના મોત થયા છે.  કોરોનાથી અત્યાર સુધીમાં 1.10 કરોડ લોકો સંક્રમિત થઈ ચૂક્યા છે. 1.07 કરોડ લોકો સાજા થઈ ચૂક્યા છે. દેશમાં અત્યાર સુધીમાં 1 લાખ 56 હજાર 729 દર્દીઓને આ વાયરસથી જીવ ગુમાવવો પડ્યો છે. 1 લાખ 48 હજાર 705 દર્દી એવા છે જેમની સારવાર ચાલી રહી છે.

કોરોનાના રોજ આવતા મામલામાં ભારત ચોથા નંબર પર પહોંચી ગયું 

કોરોનાના રોજ આવતા મામલામાં ભારત ચોથા નંબર પર પહોંચી ગયું છે. એક્ટિવ કેસ મામલામાં દુનિયામાં ભારત હવે 15માં સ્થાન પર આવી ગયું છે. કોરોના સંક્રમિતોની સંખ્યાના હિસાબથી ભારત દુનિયાનો બીજો સૌથી અસરકારક દેશ છે. રિકવરી દુનિયામાં અમેરિકા બાદ સૌથી વધારે ભારતમાં થઈ છે. મોતના મામલામાં અમેરિકા, બ્રાઝિલ અને મેક્સિકો બાદ ભારતનો નંબર છે.

મહારાષ્ટ્રના લાતૂરમાં 27 અને 28 ફેબ્રુઆરીએ જનતા કર્ફ્યૂ

કોરોનાના વધતા કેસના પગલે 27થી 28 ફેબ્રુઆરીએ જનતા કર્ફ્યૂ રહેશે. લાતૂરમાં 7થી 15 ફેબ્રુઆરીની વચ્ચે કોરોનાના 261 મામલા રેકોર્ડ કરવામાં આવ્યા હતા. ગત અઠવાડિયામાં આ 300થી વધારે મામલા આવી ચૂક્યા છે. આ બાદ પ્રશાસને જનતા કર્ફ્યૂનો નિર્ણય લીધો.

બંગાળમાં એર પેસેન્જર્સ માટે નવી ગાઈડલાઈન

બંગાળ સરકારમાં મહારાષ્ટ્ર, કેરળ, કર્ણાટક અને તેલંગાણાથી આવનારા લોકો માટે નેગેટિવ RT-PCR રિપોર્ટ લાવવો ફરજિયાત છે. આ રિપોર્ટ ફ્લાઈટ ડિપાર્ચરથી 72 કલાક પહેલાની ન હોવી જોઈએ.

કોરોનાથી અસરગ્રસ્ત પ્રમુખ રાજ્યોની સ્થિતિ

• મહારાષ્ટ્રમાં બુધવારે 8807 લોકો કોરોના ગ્રસ્ત જોવા મળ્યા છે. 2772 દર્દીઓ સાજા થયા અને 80 ના મોત થયા. આ 18 ઓક્ટોબર પછી સૌથી મોટો આંકડો છે.   અત્યાર સુધી 9060 દર્દીઓની ઓળખ થઈ ચૂકી છે. અત્યાર સુધી  21.21 લાખ લોકો સંક્રમિત થઈ ચૂક્યા છે. જેમાં 20. 08 લાખ લોકો સાજા થઈ ચૂક્યા છે.  51, 937 ના મોત થયા છે.
• દિલ્હીમાં બુધવારે 200 નવા દર્દી મળ્યા છે અને 115 લોકો સાજા થયા છે.  અહીં અત્યાર સુધી 6 લાખ 38 હજાર 373 લોકો સંક્રમણની ઝપેટમાં આવી ચૂક્યા છે. જેમાં 6 લાખ 26 હજાર 331 લોકો સાજા થઈ ચૂક્યા છે. જ્યારે 10 હજાર 905 દર્દીઓના મોત થયા છે. 1137નો સારવાર ચાલી રહી છે.
• કેરળમાં બુધવારે 4106 નવા દર્દીઓ આવ્યા છે. 5885 દર્દીઓ સાજા થયા છે. કોરોનાને લીધે 17 લોકોના જીવ ગયા. રાજ્યમાં કોરોનાના અત્યાર સુધીમાં 10, લાખ 45 હજાર 10 મામલા આવી ચૂક્યા છે.  આમાંથી 9 લાખ 87 હજાર 720 દર્દીઓ સાજા થઈ ચૂક્યા છે. 4137ના જીવ ગયા છે. જ્યારે 52865ની સારવાર ચાલી રહી છે.
• ગુજરાતમાં બુધવારે 380 લોકો કોરોના સંક્રમિત જોવા મળ્યા છે. 296 લોકો સાજા થયા અને એકનું મોત થયું. જ્યારે અત્યાર સુધીમાં 2 લાખ 68 હજાર 147 લોકો સંક્રમિત થઈ ચૂક્યા છે. જેમાં 2 લાખ 61 હજાર 871 લોકો સાજા થઈ ચૂક્યા છે. જ્યારે 4407 દર્દીઓના મોત થઈ ચૂક્યા છે. 1869 લોકોની સારવાર ચાલી રહી છે.

કેટલો છે ડેથ રેટ અને રિકવરી રેટ?

દેશમાં કોરોનાથી મૃત્યુ દર 1.42 ટકા છે.  જ્યારે રિકવરી રેટ 97.25 ટકા છે. એક્ટિવ કેસ 1.33 ટકા છે. કોરોના એક્ટિવ કેસ મામલામાં દુનિયામાં ભારત 15માં સ્થાન પર છે.

દુનિયામાં કેટલા છે કોરોનાના કેસ

દુનિયામાં કોરોનાના દર્દીઓનો આંકડો 11. 30 કરોડથી વધારે થઈ ગયો છે. 8 કરોડ 86 લાખથી વધારે લોકો સાજા થઈ ચૂક્યા છે. અત્યાર સુધીમાં 25 લાખ 06 હજારથી વધારે લોકોના જીવ ગયા છે. આ આંકડા www.worldometers.info/coronavirus અનુસાર છે.