કોરોના વાયરસ / ફરી લૉકડાઉન અંગે વિશેષજ્ઞોએ આપ્યું મોટું નિવેદન, હવે આ પગલું ભરશો તો...

• કોરોનાનું સંક્રમણ રોકવાનું સમાધાન લૉકડાઉન નથીઃ વિશેષજ્ઞો
• લૉકડાઉન રહ્યું તો દેશ અને શહેર નહીં બચેઃ વિશેષજ્ઞો
• લૉકડાઉનથી વાયરસનું સંક્રમણ ધીમું જરૂર થયું છે પરંતુ નુકસાન પણ ઘણુઃ વિશેષજ્ઞો

દેશમાં કોરોનાના કેસ ખુબ જ વધી રહ્યા છે 31 મે સુધીનું લોકડાઉન પૂર્ણ થયા બાદ રાત્રે જ માત્ર લોકડાઉન રાખવામાં આવ્યું છે. જ્યારે દિવસે તમામ ધંધા રોજગાર શરૂ થયા છે. જોકે અનલૉક લગાવ્યા બાદ કોરોનાના કેસ પણ વધ્યા છે. ત્યારે લૉકડાઉન અંગે વિશેષજ્ઞોનું કહેવું છે કે કોરોનાનું સંક્રમણ રોકવાનું સમાધાન લૉકડાઉન નથી. કોરોનાથી સૌથી વધુ પ્રભાવિત રાજ્ય દિલ્હી, તમિલનાડુ અને મહારાષ્ટ્રની સરકારોએ સ્પષ્ટ કરી દીધું છે કે તેઓ લૉકડાઉન નહીં લગાવે.

હવે સ્થિતિ એવી આવશે કે વધુ દર્દીઓ હશે અને સ્વાસ્થ્યકર્મી ઓછા હશે

વિશેષજ્ઞનું કહેવું છે કે જેમ જેમ કોરોનાના મામલાઓ વધશે તેની સાથે સ્વાસ્થ્યકર્મીઓની જરૂરત પણ વધશે. જે આપણી પાસે પૂરતા પ્રમાણમાં નથી. આપણે હાલ એ સ્થિતિ તરફ વધી રહ્યાં છે જ્યાં વધુમાં વધુ દર્દીઓ હશે અને સ્વાસ્થ્યકર્મી ઓછા હશે. જેના કારણે દબાણ વધશે અને મૃત્યુદર પણ વધશે. લોકોનું એકબીજા સાથેનો સંપર્ક વધી રહ્યો છે. જેના કારણે કેસ સતત વધી રહ્યાં છે.

કોરોનાના કારણે રોજ 400 મૃત્યુ

વિશેષજ્ઞોનું કહેવું છે કે લૉકડાઉનનું લોજિક સમજવું પડશે. આપણે કડક લૉકડાઉન લાગૂ કર્યું હતું. જે કોરોનાનું સમાધાન નથી. લૉકડાઉનના કારણે ઘણા લોકોની રોજગારી છીનવાઇ ગઇ. આપણે આ મૃત્યુ પણ ભૂલી ગયા જે અન્ય કારણોથી થઇ રહી છે. કોરોનાના કારણે રોજ 400 મૃત્યુ થઇ રહ્યાં છે. જ્યારે કુપોષણના કારણે 5 વર્ષથી ઓછા ઉમરના રોજ 2 હજાર બાળકોના મૃત્યુ થઇ રહ્યાં છે. હવે આ ડબલ થઇ 5 હજાર થઇ ગઇ છે. રોજ 6 હજાર હ્રદયના દર્દીઓના મૃત્યુ થાય છે.

લૉકડાઉન એટલે વાયરસથી છૂટકારો નથી

જો લૉકડાઉન રહ્યું તો દેશ અને શહેર નહીં બચે. આપણે એ જોવું પડશે કે લૉકડાઉનથી શું મેળવ્યું છે. લૉકડાઉન એટલે વાયરસથી છૂટકારો નથી. વાયરસનું સંક્રમણ ફેલાય તે માટે એક રણનીતિ હોવા જોઇએ. લૉકડાઉનના કારણે વાયરસનું સંક્રમણ ધીમું જરૂર થયું છે પરંતુ નુકસાન પણ ઘણુ થયું છે.