કોરોનાની કહેરને પહોંચી વળવું એક સૌથી મોટી સમસ્યા બની ગઈ છે. આ વાયરસની શરુઆત ગત વર્ષ ચીનના વુહાનથી થઈ હતી. આ વાયરસ હાલ 210 દેશમાં ફેલાયો છે. આ મુદ્દે સંયુક્ત રાષ્ટ્ર સુરક્ષા પરિષદ(યૂએનએસસી)ની બેઠક બોલાવવામાં આવી હતી. અહીં ચીન અને અમેરિકા સામ સામે આવી ગયા હતા. અમેરિકાએ અત્યાર સુધી સંયુક્ત રાષ્ટ્ર(યુએન) તથા વિશ્વ સ્વાસ્થ્ય સંગઠન (ડબ્લ્યુએચઓ)ની ભૂમિકા પર સવાલ ઉભા કર્યા હતા. ત્યારે ચીને બન્નેના વખાણ કર્યા હતા.
UNSCની બેઠકમાં ચીન-અમેરિકાની હુંસાતુસી,
ચીનની લુચ્ચાઈ કહ્યું કે જરુરી નથી કે વાયરસ વુહાનથી જ ફેલાયો હોય
ચીને વારંવાર પોતાનો બચાવ કર્યો
ચીને કોવિડ-19ને વૈશ્વિક પડકાર ગણાવ્યો
કારોના વાયરસના મુદ્દે યુએનએસસીએ ગુરુવારે વર્ચુઅલ મહા બેઠક બોલાવી હતી. બેઠકમાં ચીને કહ્યું કે કોવિડ-19 એક વૈશ્વિક પડકાર છે. જેમાં યુએન અને ડબલ્યુએચઓ તરફથી જે આગેવાની કરવામાં આવી રહી છે ચીન તેના વખાણ કરે છે. આ વાયરસ બધા માટે ખતરા સમાન છે બધાએ મળીને કામ કરવું પડશે. ચીને યુએનની એ અપીલનું પણ સમર્થન કરે છે. જેમાં બધા દેશોએ મતભેદ ભૂલીને કોરોના સામે લડવાની વાત કરી છે. ચીનનું કહેવું છે કે જ્યારે તે સંકટમાં હતું ત્યારે ઘણા દેશોએ તેની મદદ કરી હતી. જોકે હવે તે 100થી વધારે દેશોને મદદ કરી રહ્યું છે.
અમેરિકાએ ચીનની નિકાસ પર સવાલ ઉઠાવ્યા
અમેરિકાએ એક વાર ફરી ચીનની નિકાસ પર સવાલ ઉઠાવ્યા છે. અમેરિકાનું કહેવું છે કે સંકટના આ સમયમાં પારદર્શિતા રાખવી ખૂબ જરુરી છે. જેથી દરેક હકીકતથી અવગત થઈ શકે. અમેરિકાએ પહેલા પણ ચીન અને ડબ્લ્યુએસઓ પર સત્ય છુપાવવાના આરોપ લગાવ્યા છે. અમેરિકાનું કહેવું છે કે અત્યારે આનું જ પરિણામ ભોગવી રહ્યા છીએ. બેઠકમાં ફરી આ વાત વાગોળી હતી અને તમામ દેશોને સાથે આવવા અપીલ કરી હતી. બીજી તરફ ડબ્લ્યુએચઓના પ્રમુખ ટેડ્રોસ ગેબ્રેયેસિએસએ બધા દેશોને રાજકારણ ભૂલી એક સાથે કામ કરવા અપીલ કરી હતી.
ચીનને કોરોનાની જાણકારી છુપાવવાની વાતને ફગાવી કાઢી
ચીને ગુરુવારે એ વાતને ફગાવી દીધી હતી કે તેણે ડિસેમ્બર 2019માં કોરોના વાયરસ સંક્રમણના કેસોને છુપાવ્યા હતા. આમ કહીને ચીને અમેરિકાના રાષ્ટ્રપતિ ટ્રમ્પના આક્ષેપોથી ડબ્લ્યુએચઓના પ્રમુખ ટેડ્રોસ ગેબ્રેયેસસનો બચાવ કર્યો હતો. ટ્રમ્પે તેઓ ચીન કેન્દ્રીત છે એમ કહી આક્ષેપ લગાવ્યો હતો.
એનો મતલબ એ નથી કે વાયરસ ચીનથી ફેલાયો
કોવિડ -19 સંબંધી જાણકારી છુપાવવાના અમેરિકાના વિદેશ મંત્રી માઈક પોમ્પિઓના આરોપને ફગાવી દેતા વિદેશ મંત્રાલયના પ્રવક્તા જ્યાઓ લિજિઆને કહ્યું કે વિશ્વ સ્વાસ્થ્ય સંગંઠનને માહિતી આપનારો ચીન પહેલો દેશ છે. એનો મતલબ એ નથી કે વાયરસનો જન્મ વુહાનમાંથી થયો છે. જ્યાઓએ કહ્યું કે મહામારી દુનિયામાં પહેલા ગમે ત્યાં ફેલાઈ શકે છે જો કે તેની શરુઆત વિજ્ઞાનનો વિષય છે અને અમે આને વિજ્ઞાન તથા મેડિકલ સમુદાય પર છોડ઼ી દેવુ જોઈએ.