ખોટ / કોરોનાનો કહેર, 31 માર્ચ પછી ટીવીના શો થશે રિપીટ, 100 કરોડથી વધુનું નુકસાન

ઉલ્લેખનીય છે કે, દેશમાં વધતા કોરોના વાઇરસના ભયને કારણે શૂટિંગ બંધ કરાવી દેવામાં આવ્યા છે. ફિલ્મ અને ટીવી સાથે જોડાયેલ અલગ અલગ એસોશિએશન દ્વારા 31 માર્ચ સુધી શૂટિંગ અટકાવી દેવામાં આવ્યુ છે.

ઇન્ડિયન ટીવી ફિલ્મ પ્રોડ્યૂસર કાઉન્સિલના ચેરમેન જેડી મજીઠીયાનું કહેવું છે કે, દરેક ટીવી ચેનલ પાસે એવરેજ 5-7 નવા એપિસોડનું કન્ટેન્ટ જ છે. ત્યારબાદ બધા શો રિપીટ ટેલિકાસ્ટ પર આવી જશે. 

તો બીજી તરફ અમુક હોલિવૂડ શો પર તો અધૂરા જ બંધ થઇ જવાનો ખતરો છે. તેમણે એવું પણ કહ્યું કે, કાઉન્સિલ મુજબ 31 માર્ચ સુધી દેશની ટીવી ઇન્ડસ્ટ્રીને પ્રતિ અઠવાડિયું લગભગ 100 કરોડ રૂપિયા સુધીનું નુકસાન થઇ શકે છે. આંકડો હજુ વધી જશે જો તેમાં ચેનલની કાસ્ટ પણ સામેલ કરી દેવામાં આવે.

પ્રોડ્યૂસર્સ બોલ્યા, ફિલ્મ ઇન્ડસ્ટ્રીથી પણ વધુ નુકસાન થશે 

ટીવી પર ઘણા સફળ શો પ્રોડ્યૂસ કરનાર જામા હબીબનું કહેવું છે કે ટીવીનું નુકસાન ફિલ્મ ઇન્ડસ્ટ્રીથી કરતા પણ વધારે હશે કારણકે નવું કન્ટેન્ટ નહીં હોય તો જાહેરાત આપનાર રસ નહીં દાખવે. તેમણે કહ્યું કે, ચેનલ તરફથી પ્રોડ્યૂસર્સને કહેવામાં આવ્યું હતું કે 19 માર્ચ સુધી જેટલું શૂટિંગ થઇ શકે એટલું કરી લે પણ 31 માર્ચ સુધીનું નવું કન્ટેન્ટ શૂટ ન થઇ શક્યું.