ચિંતાજનક / બાળકોને પણ ઝપેટમાં લઈ રહ્યો છે ઓમિક્રોન, રિપોર્ટમાં ચોંકાવનારા આંકડા

• બાળકોને લઈને ઘણી સાવધાની વર્તવાની જરુર
• ઓમિક્રોન કોરોનાની નવી લહેર નહીં બલ્કી સુનામી લાવી શકે
• હોસ્પિટલમાં દાખલ થનારા બાળકોની સંખ્યા વધી

બાળકોને લઈને ઘણી સાવધાની વર્તવાની જરુર

ઓમિક્રોનને લઈને WHOએ ચેતવણી આપી છે કે આ વેરિએન્ટ કોરોનાની નવી લહેર નહીં બલ્કી સુનામી લાવી શકે છે. આમ તો આ વેરિએન્ટનો ખતરો દરેક ઉંમરના લોકો પર છે પરંતુ બાળકોને લઈને ઘણી સાવધાની વર્તવાની જરુર છે. અમેરિકાથી જે રીતે બાળકોના કોરોના સંક્રમિત થવાના સમાચાર આવી રહ્યા છે. તે હેરાન કરનારા છે. નવા વેરિએન્ટને જોતા વિશેષજ્ઞો પણ ચિંતિત છે અને એટલા માટે તેમના રસીકરણ માટે ભાર મૂકવામાં આવી રહ્યો છે.

હોસ્પિટલમાં દાખલ થનારા બાળકોની સંખ્યા વધી

અમેરિકન એકેડમી ઓફ પીડિયાટ્રિક્સના જણાવ્યાનુંસાર 23 ડિસેમ્બર વાળા અઠવાડિયાની વાત કરીએ તો અમેરિકામાં લગભગ 199,000 બાળકોના કોરોના સંક્રમિત થવાની પુષ્ટિ થઈ. જે મહિનાની શરુઆતના આંકડાથી 50 ટકા વધારે છે. બીજી તરફ 28 ડિસેમ્બર વાળા અઠવાડિયામાં 17 વર્ષ સુધીના લોકોને હોસ્પિટલમાં દાખલ થવાની સંખ્યા લગભગ 378 હતી. જે પહેલા અઠવાડિયાની સરખામણીએ 66.1 ટકાથી વધારે હતી.

વુદ્ધોની સરખામણીએ યુવાઓમાં ગંભીર બિમારીનું સંકટ ઓછું

આ આંકડા આની પહેલા એક ડિસેમ્બરે ડેલ્ટા વેરિએન્ટની લહેરમાં જોવા મળ્યા હતા.  આ બાદ હોસ્પિટલમા દાખલ થનારા એવા લોકો છે જેમની ઉંમર 18થી 29 વર્ષની વચ્ચે છે. જો કે વુદ્ધોની સરખામણીએ યુવાઓમાં ગંભીર બિમારીનું સંકટ ઓછું છે.

 બાળકોમાં મોટેરાઓની જેમ ઓમિક્રોનથી હળવી બિમારી સામે આવી રહી છે

ટેક્સાસ ચિલ્ડ્રન હોસ્પિટલના પેથોલોજિસ્ટ અને ઈમ્યૂનોલોજિસ્ટ જિમ વર્સાલોવિકે સમાચાર એજન્સી એએફપીએ જણાવ્યું, ઓમિક્રોન વેરિએન્ટથી વધારે ગંભીર સંક્રમણ નથી થઈ રહ્યું. પરંતુ બાળકોને આ સૌથી વધારે સંક્રમિત કરી રહ્યું છે. જેના કારણે હોસ્પિટલમાં દાખલ થનારા બાળકોની સંખ્યામાં તેજીથી વધારો થઈ રહ્યો છે. જો કે રાહતની વાત એ છે બાળકોમાં મોટેરાઓની જેમ ઓમિક્રોનથી હળવી બિમારી સામે આવી રહી છે.

રસીથી કોરોનાથી બચી શકાશે

વિશેષજ્ઞોનું કહેવું છે કે કોરોના સંક્રમણથી બચલા માટે એક માત્ર ઉપાય રસી લેવાનો છે અને એટલા માટે સમય ગુમાવ્યા વગર રસી લો. આ સાથે જ તેમણે કહ્યું કે રસી લેવાની વાત દરેક પર સમાન રીતે લાગૂ થશે. ભારતમાં પણ આગામી 3 જાન્યુઆરીથી 15થી 18 વર્ષની ઉંમરમા બાળકોને કોરોનાની રસી લાગવાની શરુ થઈ જશે.  જ્યારે 2થી 15 વર્ષનમા બાળકો માટે રસીનું પરિક્ષણ ચાલી રહ્યું છે.