Coronavirus / ચીનના તમામ પડોશી દેશમાં કોરોના વાયરસની અસર માત્ર આ એક દેશને કંઈ નથી થયું

• ઉ.કોરિયામાં એક પણ કેસ નહીં
• ઉ.કોરિયાએ ચીનથી આવનારા પર પ્રતિબંધ મુક્યો
• ઉ. કોરિયાએ કોરોનાને રોકવા એક મુખ્યાલય બનાવી લીધા છે આ પગલા

ઉ.કોરિયામાં એક પણ કેસ નહીં

દુનિયાનો સૌથી ગરીબ દેશોમાંનો એક ઉત્તર કોરિયા ચીનનો પડોશી દેશ છે. ત્યા ન તો કોરોનાનો એક પણ કેસ નોંધાયો છે ન કોરોનાને કારણે કોઈનું મોત નિપજ્યું છે. જ્યારે ચીનમાં કોરોના વાયરસને લીધી 813થી વધારે લોકોના મોત થયા છે જ્યારે 37,174 થી વધારે કોરોનાનાં કેસ નોંધાયા છે. બીજી તરફ 25 દેશોમાં 300થી વધારે લોકો કોરોનાગ્રસ્ત છે. તેમજ સમગ્ર વિશ્વમાં 37, 525 લોકો કોરોના ગ્રસ્ત છે. ઉલ્લેખનીય છે કે ઉત્તર કોરિયાની સરહદ સાથે જોડાયેલા બે દેશ રુશ અને દ. કોરિયામાં પણ કોરોના વાયરસનાં કેસ નોંધાયા છે. એટલું જ નહી ઉ.કોરિયાનાં 1500 માઈલ વિસ્તારમાં રહેલા તમામ દેશ અને પ્રાંત કોરોના વાયરસની ઝપેટમાં આવી ગયા છે. 

ઉત્તર કોરિયાએ પોતાની સરહદ બંધ કરી

ઉત્તર કોરિયાએ પોતાની સરહદ બંધ કરી તે પહેલા અનેક ટ્રકો પસાર થઈ ચૂકી હતી.  એક ગુપ્તચર એજન્સી ‘નેશનલ ઈન્ટેલિજેન્સ સર્વિસ’દ્વારા કાર્યરત થિંક ટેંકના પ્રમુખ પ્રો. સુંગ-વુકનું કહેવું છે કે 2.5 કરોડની વસ્તી ધરાવતા ઉ.કોરિયામાં એ શક્ય છે કે કોઈને કોઈ તેની ઝપેટમાં  આવ્યું હોય. 

ઉ. કોરિયાએ કોરોનાને રોકવા એક મુખ્ય કાર્યાલયની સ્થાપના કરી  છે

ચીનનાં ડાંડોંગ અને શેનયાંગ શહેર જે ઉ.કોરિયાની સરહદની પાસે છે જ્યાં કોરોના વાયરસ ફેલાયો છે. ચીન અને ઉ.કોરિયા વચ્ચે વ્યાપાર થાય છે પણ કોરોનાને કારણે ઉ. કોરિયાએ ચીનના નાગરિકોનો પ્રવેશ બંધ કરી દીધો છે. ઈબોલા સમયે પણ વર્ષ 2014માં પણ ઉ. કોરિયાએ આમ જ કર્યું હતું. ઉ. કોરિયાએ કોરોનાને રોકવા એક મુખ્ય કાર્યાલયની સ્થાપના કરી છે. 13 જાન્યુઆરી પછી આવનારા તમામને તેઓ મેડિકલ ઓબ્જર્વેશનમાં રાખી રહ્યાં છે.  જોકે ઉલ્લેખનીય છે કે ઉ. કોરિયા પાસેથી ક્યારેય નહીં જાણી શકાય કે તેણે શું ઉપાય કર્યાં છે. તેના પર ભૂતકાળમાં પણ આરોપી લાગ્યા છે આ પ્રકારની બિમારીની માહિતી છુપાવાનાં.