ભારતમાં કોરોના વાયરસનાં કેસ ધીમે ધીમે ઓછા થઈ રહ્યા છે ત્યાં હવે AY4 વેરિયન્ટનાં એકસાથે છ કેસ આવતા ખળભળાટ મચ્યો છે.
ભારતમા કોરોના વાયરસની નવી ચિંતા
ડેલ્ટા વેરિયન્ટનું નવું સ્વરૂપ આવ્યું
મધ્ય પ્રદેશમાં નોંધાયા છ કેસ
સ્વાસ્થ્ય મંત્રી મનસુખ માંડવિયા એક્શનમાં આવ્યા
મધ્ય પ્રદેશમાં છ નવા કેસથી ફફડાટ
ભારતમા કોરોના વયરસમાંથી છેલ્લા ઘણા સમયથી રાહત મળી રહી છે. દેશમાં દિવસેને દિવસે કેસ ઘટી રહ્યા છે અને બીજી તરફ વેક્સિન આપવામાં ભારત વર્લ્ડ રેકોર્ડ તોડી રહ્યું છે ત્યાં બીજી લહેર માટે જવાબદાર ડેલ્ટા વેરિયન્ટ હવે નવા રૂપ સાથે આવી ગયો છે. ડેલ્ટા વેરિયન્ટ ભારત જ નહીં દુનિયાના ઘણા દેશોમાં તબાહી માટે જવાબદાર છે ભારતમા AY.4 વેરિયન્ટનાં કેસ વધી રહ્યા છે. મધ્ય પ્રદેશમાં છ કોરોના વાયરસનાં દર્દીઓમાં આ નવો વેરિયન્ટ મળતા ખળભળાટ મચ્યો છે. આટલું જ નહીં ચોંકવાનારી બાબત છે કે જેટલા લોકો વાયરસની ઝપેટમાં આવી ગયા છે તે બધાએ કોરોના વેક્સિનનાં બંને ડોઝ લીધા હતા.
A team is investigating the new COVID19 variant AY.4.2 ... ICMR and NCDC teams study and analyse the different variants: Union Health Minister Mansukh Mandaviya pic.twitter.com/6Htme2RFvR
બ્રિટન અને યુએસમાં સૌથી વધારે તબાહી
એવામાં દેશમાં સવાલો ઉઠી રહ્યા છે કે શું આ નવો વેરિયન્ટ ડેલ્ટા કરતાં પણ વધારે ખતરનાક છે? અને શું આ વેરિયન્ટ વેક્સિનથી પણ નહીં જાય? જોકે અત્યારે એક્સપર્ટસ કહી રહ્યા છે કે આ નવો વેરિયન્ટ નથી, હજુ તેની તપાસ કરવાની જરૂર છે. નિષ્ણાતોનો મત છે કે હજુ સાવધાન રહેવાની જરૂર છે કારણ કે કોરોના વાયરસ હજુ ગયો નથી. દુનિયાભરમાં AY4 નામક વેરિયન્ટનાં સૌથી વધારે કેસ બ્રિટેનમાં સામે આવ્યા છે અને સાથે સાથે અમેરિકામાં પણ તેના કેસ જોવા મળ્યા છે.
એક્શનમાં સ્વાસ્થ્ય મંત્રી
આ બાજુ દેશના સ્વાસ્થ્ય મંત્રી મનસુખ માંડવિયા પણ એક્શનમાં આવ્યા છે. મનસુખભાઈએ કહ્યું કે કોરોના વાયરસનાં નવા વેરિયન્ટ પર ઈન્વેસ્ટીગેશન કરવામાં આવી રહ્યું છે. ICMR અને NCDC ની ટીમ તેની રિસર્ચ કરી રહી છે.