કોરોના વાયરસને લઈને એક નવો અને ચોંકવનારો સ્ટડી સામે આવ્યો છે. આ સ્ટડી મુજબ ઓમિક્રોનના સબ વેરિએન્ટ BA.4 અને BA.5 પર એન્ટીબોડી પણ નકામી જણાઈ રહી છે.
ભારત સહિત સમગ્ર વિશ્વમાં કેસો વધ્યા
નવી સ્ટડીમાં ચોંકાવનારો ખુલાસો થયો
બંને ડોઝ અને બૂસ્ટર ડોઝ પણ નકામા સાબિત થયાં
અમેરિકા, ભારત સહિત દુનિયાના તમામ દેશોમાં કોરોનાના કેસો વધી રહ્યા છે. તે જ સમયે કોરોના વાયરસને લઈને એક નવો અને ચોંકવનારો સ્ટડી સામે આવ્યો છે. આ સ્ટડી મુજબ ઓમિક્રોનના સબ વેરિએન્ટ BA.4 અને BA.5 પર એન્ટીબોડી પણ નકામી જણાઈ રહી છે. આ વાત હાર્વર્ડ મેડિકલના બેથ ઈઝરાયલ ડેકોનેસ મેડિકલ સેન્ટરના રિસર્ચમાં સામે આવી છે.
આ સંશોધન બે યુવકો પર કરવામાં આવ્યું હતું. જે પહેલા કોરોનાથી સંક્રમિત થઈ ચુક્યા હતા અને કોરોનાના બંને ડોઝ અને બૂસ્ટર ડોઝ પણ લઈ ચુક્યા હતા. રિસર્ચમાં સામે આવ્યું છે કે, ઓમિક્રોનના સબ વેરિએન્ટ BA.4 અને BA.5 નકામી જણાઈ રહી છે. જો કે, કોરોના વેક્સિન ગંભીર બિમારી વિરુદ્ધ યોગ્ય સુરક્ષા આપતી દેખાઈ રહી છે . આ ઉપરાંત વેક્સિન બનાવતી કંપનીઓ અપડેટ્સ શોટ્સ પર કામ કરી રહી છે. જેથી કોરોનાના નવા વેરિએન્ટ વિરુદ્ધ મજબૂત પ્રતિરક્ષા પ્રતિક્રિયા પ્રાપ્ત થઈ શકે.
ન્યૂ ઈંગ્લેન્ડ જર્નલ ઓફ મેડિસિનમાં બુધવારે પ્રકાશિત થયેલા રિસર્ચ મુજબ પહેલા કોરોના સંક્રમિત અથવા વેક્સિનેશનથી બનેલી એન્ટીબોડી નકામી કરવાની ક્ષમતા કોરોના વાયરસની તુલનામાં BA.4 અને BA.5 કેટલીય ગણી ઓછી છે.
રિસર્ચ મુજબ BA1 અને BA2 ની સરખામણીમાં BA4 અને BA5 નકામી કરવામાં 3 ગણી ઓછી ક્ષમતા છે. આ કોરોનાના મૂળ વેરિએન્ટની સરખામણીમાં ખૂબ ઓછી છે. આ ઉપરાંત રિસર્ચમાં કહેવાયુ છે કે, ઓમિક્રોનના નવા વેરિએન્ટથી કોરોના સંક્રમણ વધવાની આશંકા છે. જો કે વેક્સિનની મળનારી ઈમ્યુનિટી BA4 અને BA5થી રક્ષા કરવામાં સક્ષમ છે.
હાલમાં જ કોલંબિયા યુનિવર્સિટીના એક રિસર્ચમાં સામે આવ્યું છે કે, BA1 અને BA2 ની સરખામણીમાં BA4 અને BA5 વેરિએન્ટ અન્ય ઓમિક્રોનના સબ વેરિએન્ટની સરખામણીમાં એન્ટીબોડીથી બચવાની વધારે સંભાવના રાખે છે. આ રિસર્ચ મુજબ, આ વેરિએન્ટથી પૂર્વમાં સંક્રમિત થયેલા લોકો ફરી વાર સંક્રમિત થવાની વધારે સંભાવના છે.
અમેરિકામાં કોરોનાના કેસો ઝડપથી વધી રહ્યા છે. અહીં કહેવાય છે કે, નવા કેસોમાં 35 ટકા કેસો, BA4 અને BA5 વેરિએન્ટના કારણે સામે આવી રહ્યા છે. આ અગાઉ અઠવાડીયામાં 29 ટકા કેસ BA4 અને BA5 વેરિએન્ટના કારણે મળ્યા હતા.