કોરોના / ગુજરાતના આ શહેરમાં નવા સ્ટ્રેનનો ખતરો વધ્યો, 6 દર્દીઓમાં જોવા મળ્યાં શંકાસ્પદ લક્ષણો

• સુરતમાં શંકાસ્પદ નવા સ્ટ્રેનનો મામલો
• હજીરા-કામરેજના 3-3 દર્દીઓમાં શંકાસ્પદ લક્ષણો
• નવા 6 દર્દીઓના સેમ્પલ પરીક્ષણ માટે પુણે મોકલાયા

પ્રાપ્ત મળતી વિગત અનુસાર રાજ્યના સુરત શહેરમાં કોરોનાના નવા સ્ટ્રેનની મામલાઓ વધતા હોય તેવી લાગી રહ્યું છે. થોડા દિવસ પહેલા કોરોનાના નવા સ્ટ્રેનનો શંકાસ્પદ કેસ સામે આવ્યો હતો. ત્યાર બાદ ફરી 6 દર્દીઓમાં શંકાસ્પદ લક્ષણો સામે આવ્યાં છે. 

 

શહેરના હજીરા અને કામરેજના ત્રણ-ત્રણ દર્દીઓમં શંકાસ્પદ લક્ષણો જોવા મળ્યાં છે. નવા 6 દર્દીઓના સેમ્પલ પરીક્ષણ માટે પુણે  મોકલવામાં આવ્યાં છે. હાલ તમામ દર્દીઓને કોવિડ હોસ્પિટલમાં દાખલ કરવામાં આવ્યાં છે. 

સુરત શહેરમાં અગાઉ પણ એક શંકાસ્પદ કેસ નોંધાયો હતો. જેનું સેમ્પલ પુણે મોકલવામાં આવ્યું હતું. આમ 6 સેમ્પલો સ હિત કુલ 7 સેમ્પલોનું પરિણામ પેન્ડિંગ છે. 

આમ બ્રિટનમાં હાહાકાર મચાવનાર કોરોનાનો નવો સ્ટ્રેન ધરાવતા વાઇરસના સંક્રમિતો હવે ગુજરાતમાં પણ જોવા મળી રહ્યાં છે. જેમાં  થોડા દિવસ અગાઉ સુરતમાં કોરોનાના નવા સ્ટ્રેનનો પ્રથમ શંકાસ્પદ કેસ મળી આવતાં સરકારી તંત્રમાં ખળખભળાટ મચી ગયો હતો.

 

યુવતી અને તેનાં માતા અને બહેનના ટેસ્ટ કોરોના પોઝિ‌ટિવ આવ્યા હતા

બ્રિટનથી હજીરા તેનાં માતા-પિતાને મળવા આવેલી એક યુવતીમાં કોરોનાના નવા વાઇરસનાં લક્ષણ દેખાયાં છે. આ યુવતી ક્રિસમસ વેકેશનની રજા હોવાથી ૧૦ ડિસેમ્બરે દિલ્હીથી સુરત આવી હતી. ત્યાર બાદ તે ૨૦ ડિસેમ્બરે બ્રિટન પરત જવા માટે દિલ્હી એરપોર્ટ પહોંચી હતી.

પરંતુ બ્રિટનની તમામ ફ્લાઇટ રદ થવાના કારણે આ યુવતી સુરત પરત આવી હતી, જેની માહિતી તંત્રને મળતાં યુવતી સાથે ઘરમાં રહેતાં તેનાં માતા-પિતા અને બહેનના કોરોના ટેસ્ટ કરાયા હતા, જેમાં યુવતી અને તેનાં માતા અને બહેનના ટેસ્ટ કોરોના પોઝિ‌ટિવ આવ્યા  હતા.

સત્તાવાળાઓ હરકતમાં આવ્યા

તા. ૧૦ ડિસેમ્બરે યુવતી જ્યારે બ્રિટનથી દિલ્હી આવી હતી ત્યારે દિલ્હીથી સુરત આવતી વખતે સુરત એરપોર્ટ પર તેનો કોરોના રિપોર્ટ નેગેટિવ આવ્યો હતો, જ્યારે સુરતથી ફરી બ્રિટન જવા દિલ્હી ગઈ અને તેની બ્રિટનની ફ્લાઇટ  રદ થવાથી તે ફરી સુરત આવી ત્યાર બાદ સત્તાવાળાઓ હરકતમાં આવ્યા હતા.