કોરોના સંકટ / સુરતમાં નવો સ્ટ્રેન પ્રસર્યોઃ તાવ જ નહીં જો આ લક્ષણો જણાય તો પણ કોરોના ટેસ્ટ કરાવી લેજો

• સુરતમાં કોરોના સંક્રમણે વધારી ચિંતા
• કોરોનાનો નવો સ્ટ્રેન ઘાતક રીતે પ્રસર્યો
• નવા સ્ટ્રેનના લક્ષણો પણ બદલાયા

સુરત શહેરમાં બ્રિટન અને આફ્રિકન સ્ટ્રેનના દર્દીઓ સામે આવી ચૂક્યા છે. તેવામાં મનપા કમિશનર બંછાનીધિ પાની દ્વારા વારંવાર આ અંગે ચેતવણી અને અપીલ કરવામાં આવી રહી છે. માસ્ક પહેરવા અને સોશિયલ ડિસ્ટન્સનું પાલન કરવા માટે કહેવામાં આવી રહ્યું છે. સામાન્ય કોરોનામાં તાવ સહિતના લક્ષણો જણાતા હતા. પરંતુ આ નવા વિદેશ સ્ટ્રેનનું શહેરમાં સંક્રમણ ફેલાયા બાદ લક્ષણો પણ બદલાયા છે. કોરોના પોઝિટિવ દર્દીઓ દ્વારા અલગ અલગ ફરિયાદો કરવામાં આવી રહી છે. તપાસ દરમિયાન કેટલાક લક્ષણો નવા સામે આવી રહ્યા છે.

શું છે નવા સ્ટ્રેનના લક્ષણો?

• હાથની આંગળીઓ ફીક્કી પડવી
• પગનાં ટેરવા ફીક્કા પડી જવા
• ખંજવાળ આવવી
• શરીરમાં કળતર
• શરીરમાં દુ:ખાવો
• આંખ આવવી
• આંખ લાલ
• ગળામાં દુ:ખાવો થવો
• ડાયેરિયા થવો
• પેટ દુઃખવુ
• માથામાં દુ:ખાવો

શાકભાજી વિક્રેતા, રીક્ષાચાલક અને વિદ્યાર્થીઓ થયા સંક્રમિત

સુરતમાં કોરોનાની રફ્તાર રોકવા તંત્ર મથામણ કરી રહ્યું છે. અલગ અલગ વ્યવસાયના લોકોના ટેસ્ટિંગ શરૂ કરાયા છે. ગઇકાલે ટેક્સટાઇલ માર્કેટમાં 15 પોઝિટિવ કેસ નોંધાયા છે. તો 19 વિદ્યાર્થીઓ અને 35 શાકભાજી વિક્રેતાઓને કોરોના પોઝિટિવ નોંધાય ચૂક્યા છે. જ્યારે 35 રીક્ષાચાલકો, હોટલ રેસ્ટોરન્ટના 35 લોકો સંક્રમિત થયા છે.

સુરતમાં વધુ 2 રેડ ઝોન

સુરત શહેરમાં કોરોનાનું સંક્રમણ વધતા મનપાએ વધુ બે ઝોનને રેડ ઝોનમાં મુક્યા છે. સુરતના રાંદેર અને લીંબાયત ઝોનને રેડ ઝોન જાહેર કરાયા છે. જ્યારે અઠવા ઝોન પહેલાથી જ રેડ ઝોનમાં છે.

ગઇકાલે સુરત શહેરમાં 476 કેસ નોંધાયા

ચૂંટણી બાદ સુરતમાં કોરોના વિસ્ફોટની સ્થિતિ યથાવત્ છે. તંત્ર દ્વારા એગ્રેસિવ ટેસ્ટિંગ કરીને સંક્રમિતોને શોધવા માટે કવાયત હાથ ધરવામાં આવી રહી છે. ઉલ્લેખનીય છે કે ગઇકાલે સુરત શહેરમાં રાજ્યના સૌથી વધુ 476 કેસ અને ગ્રામ્યમાં 101 નવા કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...