રાજ્યમાં કોરોના સંકટ ફરી ઘેરાઇ રહ્યું છે ત્યારે સુરતમાં કોરોનાના નવા સ્ટ્રેનની સંભાવનાઓ ચિંતા વધારી છે.
કોરોનાના નવા સ્ટ્રેને ચિંતા વધારી
પુણે મોકલેલા સેમ્પલમાં નવા સ્ટ્રેનના લક્ષણ
નવા સ્ટ્રેનના લક્ષણની પુષ્ટિથી તંત્ર અલર્ટ
પ્રાપ્ત થતી જાણકારી પ્રમાણે, પુણે મોકલવામાં આવેલા સેમ્પલમાં UKના નવા સ્ટ્રેનના લક્ષણની પુષ્ટિ થઇ હોવાના અહેવાલો પ્રાપ્ત થતાં તંત્ર અલર્ટ થયું છે અને યુદ્ધના ધોરણે હાથ ધરી છે.
સુરતમાં ક્લસ્ટર જાહેર કરાયા
ઉલ્લેખનીય છે કે, વરાછા, પાલનપુર, પાલ અને સરથાણામાં ફરી ક્લસ્ટર જાહેર કરવામાં આવ્યા છે. જેમાં વરાછામાં 68, સરથાણામાં 264 રહીશો તથા પાલ અડાજણમાં 1738 રહીશોને ક્લસ્ટર જાહેર કરવામાં આવ્યા છે. આ સાથે જ ક્લસ્ટર વિસ્તારમાં લોકોની અવર જવર પર પ્રતિબંધ લાદવામાં આવ્યો છે.
ગુજરાતમાં શુક્રવારે નોંધાયા 515 નવા કેસ
શુક્રવારે કોરોનાના નવા 515 કેસ નોંધાયા છે. જે ખરેખર ચિંતાનો વિષય છે. રાજ્ય સરકાર દ્વારા જાહેર કરાયેલ વિગત પ્રમાણે, 24 કલાકમાં 405 દર્દીઓ સાજા થયાં છે. આજે કોરોનાથી રાજ્યમાં એક દર્દીનું મોત અમદાવાદમાં થયું હોવાનું સામે આવ્યું છે. તો હાલ 40 દર્દીઓ વેન્ટિલેટર પર છે. જો કે, વેક્સિનેસન અભિયાન પુરજોશમાં ચાલી રહ્યું છે પરંતુ નાગરિકો હજી પણ બેદરકાર હોવાનું લાગી રહ્યું છે.
અત્યાર સુધીમાં કુલ 4413 દર્દીના કોરોનાથી થયા મોત
રાજ્યમાં અત્યાર સુધીમાં કુલ 2,64,969 દર્દીઓએ કોરોનાને મ્હાત આપી છે. જ્યારે 4413 લોકોના સારવાર દરમિયાન મોત થયાં છે. એક્ટિવ કેસમાં પણ વધારો થઇ રહ્યો છે. હવે 2858 એક્ટિવ કેસ છે. રિકવરી રેટ વધીને ઘટીને 97.33 ટકા થયો છે.
મહાનગરોમાં ફરીવાર ચિંતા વધી
કોરોનાની શરૂઆતથી જ અમદાવાદમાં સંક્રમણ સૌથી વધુ કોરોના ફેલાયો છે. ત્યારે હવે સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. આજે ઘણા લાંબા સમય બાદ 500થી વધુ કેસ નોંધાતા ચિંતા વધી છે. અમદાવાદ શહેરમાં 113 નવા કેસ, જ્યારે અમદાવાદ ગ્રામ્યમાં 2 કેસ નોંધાયા છે. સુરત શહેરમાં 101 કેસ, ગ્રામ્યમાં 9, વડોદરા શહેરમાં 90 કેસ, જ્યારે ગ્રામ્યમાં 13, રાજકોટ શહેરમાં 46 કેસ અને ગ્રામ્યમાં 10 કેસ નોંધાયા છે.
દિલ્હીમાં એક દિવસમાં કોરોનાના 312 નવા મામલા સામે આવ્યા
કેન્દ્રની સાથે રાજ્યની સરકારે પણ કોરોના રસીકરણ પર ખાસ ભાર મુક્યો છે. દેશની રાજધાની દિલ્હીમાં ગુરુવારે એક જ દિવસમાં સૌથી વધારે રસીકરણનો રેકોર્ડ તુટ્યો છે. જો કે આવનારી મહામારીના આંકડા એ સાબિત કરે છે કે રસી આવ્યા બાદ લોકોમાં બેદરકારી વધી છે. મહારાષ્ટ્ર બાદ દિલ્હીમાં સંક્રમણના મામલા વધવા લાગ્યા છે. દિલ્હીમાં એક દિવસમાં કોરોનાના 312 નવા મામલા સામે આવ્યા છે. જ્યારે આ દરમિયાન 3 દર્દીઓના મોત થયા છે. અહીં પોજિટિવિટી રેટ પણ 0.53 ટકા પહોંચી ગયો છે. રાજધાનીમાં હજું સુધી 6,40, 494 કેસ આવી ચૂક્યા છે. જ્યારે આ સારવાર દરમિયાન 6, 27, 797 લોકો સ્વસ્થ થઈ ચૂક્યા છે. ત્યારે મહામારીથી 10, 918 લોકોના જીવ ગયા છે.
મહારાષ્ટ્રમાં એક દિવસમાં 10, 216 નવા કેસ સામે આવ્યા
જો કે મહારાષ્ટ્ર આ મહામારીથી સૌથી વધારે અસરગ્રસ્ત છે. અહીં એક દિવસમાં 10, 216 નવા કેસ સામે આવ્યા છે. જ્યારે આ દરમિયાન સંક્રમણથી 53 દર્દીઓના મોત થયા છે. જો કે 6467 લોકો આજે સ્વસ્થ થઈ ઘરે પાછા પણ ફર્યા છે. રાજ્યમાં હજું સુધી 21, 98, 399 કેસ સામે આવી ચૂક્યા છે. તેમાં 20, 55, 951 લોકો સારવાર કરાવીને ઘરે પાછા ફરી ચૂક્યા છે. જ્યારે 52, 393 લોકોના જીવ ગયા છે. મહારાષ્ટ્રમાં હજું પણ 88, 838 સક્રિય મામલા છે.