ખળભળાટ / કોરોનાના કેસમાં સતત 2 દિવસથી ઉછાળો નોંધાતા ફરી સંકટ ઘેરાયું, જાણો આજે કેટલા નોંધાયા નવા કેસ

• કોરોનાના દૈનિક કેસોમાં ઉતાર ચઢાવ જોવા મળી રહ્યો છે
• છેલ્લા 24 કલાકમાં 45,892 નવા દર્દીઓ
• ડેલ્ટા પ્લસ વેરિએન્ટ બાદ હવે લેમ્બડા વેરિઅન્ડના દર્દી નોંધાયા

દેશમાં કોરોના મહામારીની રફ્તાર ધીમી પડી ગઈ છે. પરંતુ કોરોનાના દૈનિક કેસોમાં ઉતાર ચઢાવ જોવા મળી રહ્યો છે. છેલ્લા 24 કલાકમાં 45,892 નવા દર્દીઓ નોંધાયા છે અને 817 લોકોના સંક્રમણના કારણે જીવ ગયા છે. દિલ્હી સહિત મોટાભાગના રાજ્યોમાં પ્રતિબંધોમાંથી છૂટછાટ આપવામાં આવી રહી છે. દેશમાં ડેલ્ટા પ્લસ વેરિએન્ટ બાદ હવે લેમ્બડા વેરિઅન્ડનો પણ એક દર્દી નોંધાયો છે. 

24 કલાકમાં સાજા થયેલા દર્દીઓથી વધુ નવા કેસ 
દેશમાં કોરોનાના દૈનિક કેસમાં સતત બીજા દિવસે વધારો થયો છે. ગયા 24 કલાકમાં 44,291 દર્દીઓ સાજા થયા છે. તેની સાથે જ અત્યાર સુધી 2,98,43,825 દર્દી કોરોના વાયરસને માત આપવામાં સફળ રહ્યા છે. જણાવી દઈએ કે આજે સાજા થનાર દર્દીઓની તુલનામાં નવા દર્દીઓની સંખ્યા વધુ નોંધાઈ છે.

24 કલાકમાં નોંધાયા 45,892નવા કેસ 
દેશમાં કોરોનાની બીજી લહેર હજુ થમી નથી. કોરોનાના દૈનિક કેસોમાં સતત બીજા દિવસે વધારો થયો છે. છેલ્લા 24 કલાકમાં દેશમાં કોરોના વાયરસના 45,892 નવા કેસ સામ આવ્યા છે અને 817 દર્દીના જીવ ગયા છે. તેનાથી એક દિવસ પહેલા બુધવારે 43733 નવા કેસ સામે આવ્યા  અને 930 દર્દીઓએ જીવ ગુમાવ્યો હતો. આ પહેલા મંગળવારે 34,067 નવા દર્દીઓ અને 552 લોકોના મોત થયા હતા. તેની સાથે જ દેશમાં કોરોના સંક્રમણના કુલ કેસ વધીને 3,07,09,557એ પહોંચી ગયા છે. ત્યાં જ અત્યાર સુધી કોરોનાથી 4,05,028 લોકોના જીવ ગયા છે.