IPLIN
 

દરિયાદિલી / બોલિવૂડના જાણીતા એક્ટર સોનૂ સુદે કરી મોટી મદદ, મેડિકલ સ્ટાફ માટે આપી દીધી તેની હોટલ

Team VTV 05:14 PM, 08 Apr 20
Follow us
Coronavirus Mumbai Sonu Sood Opens His Juhu Hotel For Medical Staff

બોલિવૂડનો જાણીતા અભિનેતા સોનૂ સૂદે જીવલેણ કોરોના વાયરસ જંગ સામે મદદ માટે આગળ આવ્યો છે. સોનૂ સુદે મુંબઈના જૂહુમાં સ્થિત તેની હોટલમાં ડોક્ટર્સ, નર્સ અને પેરા મેડિકલ સ્ટાફ સહિતના સ્વાસ્થ્ય કર્મીઓ માટે ત્યાં રોકાવાની વ્યવસ્થા કરી આપી છે.

  • કોરોના પીડિતોની મદદ માટે સોનૂ સુદે કરી આ જાહેરાત
  • ડોક્ટર્સ, નર્સ અને પેરા મેડિકલ સ્ટાફ માટે પર્સનલ જગ્યા આપી
  • સોનુ સૂદે કહ્યું આ મદદ મારા માટે સન્માનની વાત છે

સોનૂ સુદનું માનવું છે કે, દરેકે દેશભરના તબીબી કર્મચારીઓ માટે યોગદાન આપવું જરૂરી છે કારણ કે તેઓ ફ્રંટફુટ પર કોરોના વાયરસની લડાઈ લડી રહ્યા છે અને દેશને બચાવવા બહાદુરીથી પોતાનો જીવ જોખમમાં મૂકી રહ્યાં છે. આ અંગે વાત કરતા સોનૂ સુદે કહ્યું-આપણાં દેશના ડોક્ટર્સ, નર્સો અને પેરા મેડિકલ સ્ટાફ જેઓ રાત દિવસ લોકોનો જીવ બચાવવાના કામમાં લાગેલાં છે, જો હું તેમના માટે કંઈ કરી શકું તો મારા માટે સન્માનની વાત છે. હું આ રિયલ હિરોઝ માટે હોટલના દરવાજા ખોલવા માટે ખૂબ જ ખુશ છું. 

 
 
 
 
 
 
 
 
 
 
 
 
 

#StayHomeStaySafe @himanshu_trip

A post shared by Sonu Sood (@sonu_sood) on

સોનૂ સુદનું માનવું છે કે, આપણે એકજૂટ થઈને આ બીમારીથી જીતી શકીએ છીએ. આ સિવાય તેણે સોશિયલ મીડિયા પર લોકોને ઘરમાં રહેવા અને સુરક્ષિત રહેવાની અપીલ પણ કરી છે. 

 
 
 
 
 
 
 
 
 
 
 
 
 

The World is changed by your example.. Not your opinion ! 🧥 @dustofgods 😍 📷 @vedishnaidu

A post shared by Sonu Sood (@sonu_sood) on

તમને જણાવી દઈએ કે, દેશની આર્થિક રાજધાની મુંબઈમાં કોરોના સંક્રમણ ત્રીજા સ્ટેજમાં પ્રવેશી ગયું છે. જોકે, હજી સુધી આ અંગે કોઈ સત્તાવાર જાહેરાત કરવા્માં આવી નથી પરંતુ કેન્દ્રીય સ્વાસ્થ્ય સચિવ લવ અગ્રવાલનું કહેવું છે કે, દેશના કેટલાક ભાગમાં સંક્રમણ ત્રીજા સ્ટેજમાં છે. તેમનો ઈશારો મુંબઈ તરફ છે કારણે મુંબઈ સૌથી મોટું હોટ સ્પોટ છે જ્યારે દર્દીઓની સંખ્યા ઝડપથી વધી રહી છે. 
 

Coronavirus Mumbai Sonu Sood Juhu Hotel Medical Staff Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ