Coronavirus / કોરોના કહેર વચ્ચે મહેસાણામાં 11 માસના બાળક તેમજ ઊંઝાની યુવતીમાં જોવા મળ્યાં શંકાસ્પદ લક્ષણ

• મહેસાણામાં કોરોના વાયરસના બે શંકાસ્પદ કેસ સામે આવ્યા
• 11 માસના બાળક અને ઊંઝાની યુવતીમાં જોવા મળ્યા કોરોનાના લક્ષણ
• બાળકને મહેસાણા સિવિલ અને યુવતીને ધારપુર ખાતે સારવાર માટે લઇ જવાઇ

પ્રાપ્ત મળતી વિગત અનુસાર મહેસાણામાં કોરોના વાયરસના બે શંકાસ્પદ કેસ સામે આવ્યાં છે. જેને લઇને તંત્ર દોડતું થઇ ગયું છે. આ બે શંકાસ્પદમાં એક તો માત્ર 11 મહિનાનું બાળક છે. જ્યારે અન્ય એક ઊંઝાની યુવતીમાં કોરોનાના લક્ષણ જોવા મળ્યાં છે. 

 

જે 11 મહિનાના બાળકમાં શંકાસ્પદ કેસના લક્ષણ જોવા મળ્યાં છે તેમાં તેના કાકાની વિદેશ ટ્રાવેલ હિસ્ટ્રી હોવાનું સામે આવ્યું છે. જો કે હાલમાં બાળકને મહેસાણા સિવિલમાં ખસેડાયા છે. 

જ્યારે બે શંકાસ્પદ કેસમાં બીજી ઉંઝાની યુવતીમાં કોરોનાના શંકાસ્પદ લક્ષણ જોવા મળ્યાં છે. આ ઉંઝાની યુવતીને ધારપુર ખાતે સારવાર માટે લઇ જવામાં આવી છે. 
 

ઉલ્લેખનીય છે કે સરકાર દ્વારા લોકડાઉનના સમયે ઘરે રહેવાની અપીલ કરવામાં આવી છે. દેશભરમાં કોરોનાનો કહેર યથાવત જોવા મળી રહ્યો છે. આ અગાઉ પણ મહેસાણામાં કોરોનાના 3 શંકાસ્પદ કેસ સામે આવ્યાં હતા. જેને લઇને ત્રણેયને આઇસોલેશનમાં ખસેડવામાં આવ્યાં હતા.