મહેસાણા / આ શિક્ષકોને કોણ શિક્ષા આપશે? વિજાપુરના દગાવાડિયા ગામે 286 બાળકોને પુસ્તક લેવા શાળાએ બોલાવ્યા

• લોકડાઉન વચ્ચે વિજાપુર ના દગાવાડિયા ગામની સ્કૂલની ગંભીર બેદરકારી
• શાળામાં 286 વિદ્યાર્થીઓને પુસ્તક લેવાના બહાને શાળામાં બોલાવ્યા
• નાના ભૂલકાઓને હાથમાં સાવરણી આપીને શાળાના ઓરડા પણ સાફ કરાવ્યા

મળતી વિગત મુજબ, મહેસાણાના વિજાપુરના દગાવાડિયા ગામની સ્કૂલની ગંભીર બેદરકારી સામે આવી છે. પુસ્તક લેવાના બહાને આચાર્ય દ્વારા વિદ્યાર્થીઓને સ્કૂલમાં બોલાવવામાં આવ્યા હતા. કોરોના સંકટ વચ્ચે 286 વિદ્યાર્થીઓનો શાળામાં બોલાવાયા હતા. 

નાના બાળકોને શાળાએ બોલાવીને આચાર્ય તથા સ્ટાફે રૂમ સાફ કરાવ્યા 

આ દરમિયાન નાના બાળકોને પાસે શાળાના ઓરડા પણ સાફ કરાવાયા. શાળાના આચાર્ય-સ્ટાફે પણ માસ્ક ન પહેરી નિયમોનો ભંગ કર્યો છે. તંત્ર પાસે શાળા વિરુદ્ધ પગલા ભરવાની લોકોએ માગ કરી છે. 

જિલ્લા શિક્ષણ સમિતિના ચેરમેનનું નિવેદન 

આ મામલે મહેસાણા જિલ્લા શિક્ષણ સમિતિના ચેરમેન હસમુખ ચૌધરીએ નિવેદન આપતા જણાવ્યું હતું કે, આ પ્રકારે વિદ્યાર્થીઓને શાળામાં બોલાવી ગંભીર બેદરકારી દાખવાઈ છે તથા સરકારની સ્પષ્ટ ગાઈડલાઈન હોવા છતાં નાના બાળકોને શાળામાં બોલાવ્યા છે ત્યારે હવે આ બેદરકારી દાખવાનાર વહીવટી અધિકારીથી માંડીને તમામ સામે પગલાં ભરવા શિક્ષણ સમિતિ દ્વારા રજુઆત થશે