coronavirus / હવે કોરોના વાયરસનાં ભવિષ્યને લઈને WHOએ જે કહ્યું તેનાથી વિશ્વની વધી જશે ચિંતા

• WHOએ કોરોના વાયરસને લઇને વ્યક્ત કરી ચિંતા
• શક્ય છે  કોરોના વાયરસ ક્યારેય ખત્મ ન થાય
• કોરોના પણ HIVની જેમ જિંદગીનો એક હિસ્સો બની રહે

WHOના કટોકટી મામલાના નિદેશક માઇકલ રયાને જીનેવામાં પત્રકાર પરિષદને સંબોધન કરતા કહ્યું કે કોરોના આપણા વચ્ચે એવી રીતના એક વાયરમાં તબદીલ થઇ શકે છે જે બીજાથી અલગ હોય અને શક્ય છે કે આ ખત્મ જ ન થાય. રયાને HIV નું ઉદાહરણ આપતાં જણાવ્યું કે દુનિયામાંથી આ વાયરસ હજુ ખત્મ થયો નથી. 

WHO  જણાવ્યું - 8 ટીમ વેક્સિન બનાવવાની નજીક

આ પહેલા વિશ્વ આરોગ્ય સંસ્થાના પ્રમુખ ટેડરૉસ એડહનૉમ ગ્રિબયેસૉસ કહ્યું હતું કે કોરોના વેક્સિન બનાવાનું કામ ઝડપી ચાલી રહ્યું છે અને ઓછામાં ઓછી 100 વેક્સિન બનાવાના પ્રયત્ન પર કામ ચાલી રહ્યું છે. જેમાં 7 થી 8 એવી છે જે બનાવાની ઘણી નજીક પહોંચી ગઇ છે. ઉલ્લેખનીય છે કે માત્ર WHO જ નહીં પરંતુ દુનિયાભરના વિશેષ્લકોને આશંકા છે કે આવી કોઇ વેક્સિન ક્યારેય તૈયાર જ નહી થઇ શકે. 

WHO ના ટેડરૉસને કહ્યું કે ઘણા દેશ હાલના લોકડાઉનની સ્થિતિમાંથી બહાર નિકળવાના અલગ-અલગ રીત અપનાવી રહ્યાં છે. જો કે વિશ્વ આરોગ્ય સંસ્થાએ બધા દેશોને એલર્ટ પર રહેવા સલાહ આફી છે. બધા દેશોએ હજી પણ સૌથી ઉચ્ચત્તમ સ્તર પર એલર્ટ રહેવાની જરૂરિયાત છે. 

વેક્સિન બની ગઇ તો પણ વર્ષો લાગશે. 

માઇકલ રયાને જણાવ્યું કે આપણે વાસ્તવિક્તા સાથે વિચારવું પડશે, આ મહત્વપૂર્ણ પણ છે. મારા અંદાજ પ્રમાણે હજુ કોઇ કહી શકે તેમ નથી કે આ વાયરસ ક્યાં સુધી રહેશે. આ વાયરસને લઇને કોઇ વચન આપી શકાય નહીં અને ના કોઇ તારીખ આપી શકાય.  માઇકલ રયાને કહયું કે આ વાયરસની રસી શોધવી એક લાંબી પ્રક્રિયા છે. 

રયાનના મુજબ અગર કોવિડ19ની વેક્સિન તૈયાર પણ થઇ જાય તો પણ દુનિયાભરમાં પહેલા ટેસ્ટ કરવા પડશે અને કોરોના વાયરસ પર નિયંત્રણ માટે ઘણા મોટા પ્રયત્નોની જરૂરિયાત આવનારા દિવસોમાં પડશે.