વકર્યો કોરોના / ડોક્ટરોએ આપી ખાસ ચેતવણીઃ અહીં ફરીથી વધી શકે છે કોરોના સંક્રમણ, ગાઇડલાઈન થઈ જાહેર

• યૂરોપમાં કોરોના સંક્રમણની બીજી લહેર
• ડોક્ટર્સે આપી ખાસ ચેતવણી
• સ્કૂલ, પબ વગેરે કરાયા બંધ, ગાઈડલાઈન થઈ જાહેર

યૂરોપના ડોક્ટર્સે અહીં કોરોના વાયરસની બીજી લહેરની ચેતવણી આપી છે. યૂરોપના અનેક રાજ્યોમાં કોરોનાના કેસમાં વધારો થતાં શાળાઓ બંધ કરી દેવામાં આવી છે. ફ્રાન્સની રાજધાની પેરિસ સહિત 9 દેશમામં રાતે 9થી સવારના 6 સુધી કર્ફ્યૂ શરૂ કરાયો છે. જેથી લોકો બહાર ન નીકળે. બ્રિટનમાં પબ અને બાર બંધ કરાયા છે. આ સાથે ખાસ ગાઈડલાઈન જાહેર કરવામાં આવી છે. 

ઈટલીના સ્વાસ્થ્ય મંત્રાલયે સ્થિતિને ગણાવી ગંભીર

સ્વાસ્થ્ય મંત્રાલયે કહ્યું કે આ સ્થિતિ ગંભીર છે. તેને અવગણી શકાય નહીં. અમેરિકામાં રોજ મોતનો ગ્રાફ વધી રહ્યો છે. WHOના ડૉ. હૈંસ ક્લ્ગે કહ્યું કે ખાસ પગલાં લેવાની જરૂર છે નહીં તો મહામારી વિકરાળ રૂપ લેશે. જર્મનીના ચાન્સેલર અંગેલા મર્કેલે કહ્યું કે દેશમાં રોજ નવા કેસથી ચિંતા વધી રહી છે. અર્થવ્યવસ્થાની ચિંતાના કારણે દેશમાં ફરીથી લોકડાઉન લાદી શકાય તેમ નથી. આ માટે ગંભીરતા રાખવી જરૂરી છે. 

કોરોનાની સૌથી મોટી ચિંતા યૂરોપના અનેક દેશોમાં જોવા મળી રહી છે. અહીં હોસ્પિટલમાં બેડની અછત જોવા મળી રહી છે. સરકારે લોકોને સાવધાની રાખવા અને સતર્ક રહેવા જણાવ્યું છે.