ગુજરાતમાં કોરોનાની મહામારી સામે દરેક નાગરિક લડી રહ્યો છે. સતત વધી રહેલા કેસ ચિંતા વધારી રહ્યાં છે, તો નાગરિકો લોકડાઉનનું પાલન કરે તે માટે સરકાર પણ નવા નિયમો દાખલ કરીને કાયદાનો ચુસ્ત અમલ કરાવવા માટે મથામણ કરી રહી છે. ગુજરાતમાં કોરોનાનો આંકડો 519 પર પહોંચ્યો છે ત્યારે આજથી રાજ્યના 4 મહાનગરોમાં સરકારે માસ્ક ફરજિયાત કરી દીધા છે.
આજથી રાજ્યોના 4 મહાનગરોમાં જાહેર સ્થળો પર માસ્ક ફરજિયાત
અમદાવાદ,વડોદરા,સુરત અને રાજકોટમાં માસ્ક ફરજિયાત
એકથી વધુ વખત નિયમનો ભંગ કરશો તો 5 હજારનો દંડ
ગુજરાત સરકારના આદેશ બાદ આજથી રાજ્યોના 4 મહાનગરોમાં જાહેર સ્થળો પર માસ્ક ફરજિયાત કરવામાં આવ્યાં છે. રાજ્યના 4 મહાનગર અમદાવાદ, વડોદરા, સુરત અને રાજકોટમાં માસ્ક ફરજિયાત કરી દેવામાં આવ્યાં છે. મોટા શહેરના તમામ વિસ્તારમાં જાહેર સ્થળો પર માસ્ક ફરજિયાત કરી દેવામાં આવ્યાં છે.
હાલમાં ગુજરાતમાં કોરોના વાયરસના પોઝિટિવ કેસોની સંખ્યામાં વધારો જોતા 4 મહાનગરોમાં માસ્ક ફરજિયાત કરી દેવામાં આવ્યાં છે. આ સાથે જો કોઇ માસ્ક પહેર્યાં વગર પકડાશે તો તેને 5 હજાર સુધીનો દંડ થશે. આમ માસ્ક ન પહેરનારને પ્રથમ વખત 1 હજારનો દંડ ભરવો પડશે.
આમ રાજ્યના 4 મહાનગરમાં માસ્કને લઇને હવે કડક અમલ કરવામાં આવશે. જો માસ્ક નહીં પહેરવાનો એકથી વધુ વખત નિયમનો ભંગ કરશો તો 5 હજારનો દંડ ચુકવવો પડશો. આ સાથે દંડ ન ભરનારા સામે કાયદેસરની કાર્યવાહી કરાશે. જો કોઇ દંડ નહીં ભરે તો 3 વર્ષની જેલની સજાની જોગવાઇ પણ કરવામાં આવશે.