કોરોના વાયરસના કહેર દેશની ઓટો ઇન્ડસ્ટ્રીઝ પર પણ દેખાઇ રહ્યો છે. કોરોના વાયરસની અસર ઓટોમોબાઇલ ક્ષેત્રની જાણીતી કંપની મારુતિ સુઝુકીના ઉત્પાદન પર પણ પડી છે. મારુતિ સુઝુકીના શૅર બજારને જાણકારી આપતા બતાવ્યું કે માર્ચ મહીનામાં કંપનીનું ઉત્પાદન 32 ટકા ઓછુ રહ્યું છે.
કોરોના વાયરસના કહેર દેશની ઓટો ઇન્ડસ્ટ્રીઝ પર પણ દેખાઇ રહ્યો છે
મારુતિ સુઝુકીનું માર્ચ મહીનામાં ઉત્પાદન ઘટીને 32 ટકા જેટલુ રહ્યું
\પેસેન્જર વાહનોનું ઉત્પાદન 32.26 ટકા ઓછુ રહ્યું
કંપનીએ આ વર્ષે માર્ચમાં 92,540 વાહનોનું ઉત્પાદન કર્યું છે. જ્યારે આ જ સમયગાળામાં વર્ષ પહેલા 1,36,201 વાહનોનું ઉત્પાદન કરાયું હતું. આ દરમિયાન પેસેન્જર વાહનોનું ઉત્પાદન વર્ષ પહેલાના 1,35,236 એકમોની તુલનામાં 32.26 ટકા ઓછુ થઇને 91,602 એકમો પર આવી ગયું. મારુતિની મિની અને કૉમ્પેક્ટ કેટેગરીની ઑલ્ટો, એસ-પ્રેસો, વેગનઆર, સેલેરિયો, ઇગ્નિસ, સ્વિફ્ટ, બલેનો અને ડિઝાયર જેવી કારોના ઉત્પાદનમાં લગભગ 32 ટકાનો ઘટાડો આવ્યો છે. આ કેટેગરીમાં ઉત્પાદન માર્ચ 2019ના 98,602 વાહનોની તુલનામાં માર્ચ 2020માં 67,708 વાહનો સુધી આવી ગયું.
મારુતિએ માર્ચ 2020માં વિટારા બ્રેઝા, અર્ટિંગા અને એસ-ક્રોસ જેવી 15,203 યૂટિલિટી વાહનોનું ઉત્પાદન કર્યું. આ ગત એક વર્ષ પહેલા 17,719 વાહનોની તુલનામાં 14.19 ટકા ઓછી છે. આ પ્રકારે મધ્યમ આકારની સેડાન સિયાઝનું ઉત્પાદન 3.205 વાહનોથી ઘટીને 2,146 વાહનોનું થઇ ગયું છે. જ્યારે હળવા કોમર્શિયલ વાહન જેમકે સુપર કૈરીનું ઉત્પાદન 965 એકમોથી ઘટીને 938 એકમો પર પહોંચી ગયું છે. મારુતિ સુઝુકીએ ફેબ્રુઆરી મહીનામાં ઉત્પાદનમાં 5.38 ટકાનો ઘટાડો કર્યો હતો.
લૉકડાઉનમાં ઠપ છે પ્લાન્ટ
દેશમાં 21 દિવસના લૉકડાઉનને કારણે મારુતિ સુઝુકી સહિત ઓટો ઇન્ડસ્ટ્રીઝની કંપનીઓએ પ્લાન્ટ અસ્થાયી રીતે બંધ કરી દીધા છે. એવામાં કંપનીઓએ રોજના 2300 કરોડ રૂપિયાના નુકશાનની આશંકા જાહેર કરવામાં આવી રહી છે. થોડા દિવસો પહેલા ઑટો મેન્યુફેક્ચરિંગ કંપનીઓની સંસ્થા સિયામે પણ આમ આશંકા દર્શાવી છે.