ચેતવણી / કોરોના મામલે મહારાષ્ટ્ર ત્રીજા ચરણ તરફ, ભીડ ઓછી નહીં થાય તો કરાશે લૉક ડાઉન

• મહારાષ્ટ્રમાં વધ્યો કોરોનાનો કહેર
• ત્રીજા ચરણ તરફ વધ્યું મુંબઈ
• 24 કલાકમાં 11 નવા કેસ નોંધાયા

રાજ્યના આરોગ્ય પ્રધાન રાજેશ ટોપેએ શનિવારે જણાવ્યું હતું કે મુંબઇમાં દસ અને પુણેમાં એક નવા દર્દી મળી આવ્યા છે. તેમાંથી સાતને કસ્તુરબા હોસ્પિટલમાં, એક-એકને નાણાવટી હોસ્પિટલમાં, સૈફી હોસ્પિટલ અને રિલાયન્સ હોસ્પિટલમાં દાખલ કરવામાં આવ્યા છે, જ્યારે પુણેના દર્દીને નાયડુ હોસ્પિટલમાં દાખલ કરવામાં આવ્યા છે. ટોપેએ રાજ્યમાં દર્દીઓની ઝડપથી વધી રહેલી સંખ્યા પર ચિંતા વ્યક્ત કરી છે અને લોકોને જાહેર પરિવહનનો ઉપયોગ ન કરવા અપીલ કરી છે.

આરોગ્યમંત્રીએ કહ્યું કે 11 માંથી 8 દર્દીઓ વિદેશથી પાછા ફર્યા છે, જ્યારે ત્રણના સંપર્કમાં આવ્યા બાદ તેમને ચેપ લાગ્યો હતો. વિદેશથી આવતા લોકોને કારણે ચેપ ઝડપથી ફેલાઇ રહ્યો છે. હું લોકોને અપીલ કરું છું કે જાહેર પરિવહનનો ઉપયોગ ન કરો. જો જાહેર પરિવહન દ્વારા ભીડ ઓછી નહીં થાય તો અમારે લૉકડાઉન કરવું પડશે. હવે અમે બીજા તબક્કામાં છીએ અને ત્રીજા તરફ આગળ વધી રહ્યા છીએ. જો લોકો સહકાર નહીં આપે તો અમે કડક પગલા લઈશું.

વિદેશ યાત્રાની જાણકારી છૂપાવવા માટે દંપતિ પર થયો કેસ

મહારાષ્ટ્રના જલગાંવ જિલ્લામાં વિદેશ પ્રવાસની માહિતી છુપાવવા બદલ એક દંપતી સામે કેસ નોંધવામાં આવ્યો છે. આ દંપતી તાજેતરમાં થાઇલેન્ડની સફરથી પરત ફર્યું હતું. રાજ્ય સરકારે પરદેશથી પરત ફરનારા મુસાફરોને ક્વોરેન્ટાઇનમાં રાખવાનું ફરજિયાત બનાવ્યું છે. આ દંપતી સામે આઈપીસી કલમો અને રોગચાળા નિયંત્રણ કાયદો, 1987 હેઠળ કેસ નોંધવામાં આવ્યો હતો.