મહારાષ્ટ્ર સરકાર સ્કૂલો ખોલવા માંગે છે.જેને પગલે કોવિડ ટાસ્ક ફોર્સે સ્કૂલ ખોલતા પહેલા સરકાર પાસે શરત રાખી છે.
સ્કૂલો ફરી ખોલવાને લઈને આવનારા 2 દિવસમાં નિર્ણય લઈ શકાય
એક્સપર્ટ મુજબ 15 સપ્ટેમ્બરથી ફરી કેસ વધી શકે
કોવિડ ટાસ્ક ફોર્સે સ્કૂલ ખોલતા પહેલા સરકાર પાસે શરત રાખી
એક્ટિવ કેસની સંખ્યા 50 હજારથી વધારે છે
મહારાષ્ટ્ર સરકાર સ્કૂલો ખોલવા માંગે છે પણ એક્સપર્ટ મુજબ 15 સપ્ટેમ્બરથી ફરી કેસ વધી શકે છે. નોંધનીય છે કે કેરળ બાદ મહારાષ્ટ્રમાં કોરોનાના સૌથી વધારે એક્ટિવ કેસ છે. ગુરુવારે મહારાષ્ટ્રમાં કોરોનાના 4342 નવા કેસ આવ્યા છે અને 55 લોકોના મોત થયા છે. ત્યારે એક્ટિવ કેસની સંખ્યા 50 હજારથી વધારે છે. જેને પગલે કોવિડ ટાસ્ક ફોર્સે સ્કૂલ ખોલતા પહેલા સરકાર પાસે શરત રાખી છે.
સ્કૂલો ફરી ખોલવાને લઈને આવનારા 2 દિવસમાં નિર્ણય લઈ શકાય
મહારાષ્ટ્રના સ્કૂલ શિક્ષા રાજ્ય મંત્રી બચ્ચૂ કડૂએ ગુરુવારે કહ્યું કે સ્કૂલો ફરી ખોલવાને લઈને આવનારા 2 દિવસમાં નિર્ણય લઈ શકાય છે. કડૂએ કહ્યું કે આ સંબંધમાં થોડાક દિવસમાં બેઠક કરવામા આવશે. તેમણે કહ્યું કે દેશમાં અન્ય રાજ્યોમાં સ્કૂલો શરુ થઈ ગઈ છે અને તેવામાં મહારાષ્ટ્રમાં પણ સ્કૂલો શરુ થવી જોઈએ. પરંતુ તથ્યને ધ્યાનમાં રાખતા નિર્ણય લેવો પડશે તે કેરળ બાદ સૌથી વધારે એક્ટિલ કેસ મહારાષ્ટ્રમાં છે.
ગત વર્ષથી બંધ છે સ્કૂલો
મહારાષ્ટ્રમાં ગત વર્ષથી સ્કૂલો માર્ચથી બંધ છે. જોકે ગામડામાં સ્કૂલો ખોલવાની પરવાનગી આ વર્ષે 12 જુલાઈથી આપવામાં આવી હતી. પરંતુ ફક્ત 8માંથી 12માં ધોરણ સુધીના ક્લાસ ત્યાં શરુ થશે જ્યાં કેસ ઓછા છે.
સાવધાની જરુરી
પીડિયાટ્રિક ટાસ્ક ફોર્સે રાજ્યના સ્કૂલ શિક્ષા વિભાગના અધિકારીઓની સાથે રાજ્યમાં સ્કૂલોને ફરી ખોલવાની યોજના પર ચર્ચા કરી છે. ટાસ્ત ફોર્સના એક સભ્ય ડો. બકુલ પારેખે અંગ્રેજી અખબારને જણાવ્યું હતુ કે અમે પણ સ્કૂલો ખોલવા માંગીએ છીએ પરંતુ કેટલીક સાવધાનીની સાથે. કેમ કે અમે તેમના સ્વાસ્થ્યને લઈને ચિંતિત છે.
ટાસ્ક ફોર્સે કરી ભલામણ
ટાસ્ક ફોર્સે ભલામણ કરી છે કે સ્કૂલોના ટિચિંગ અને નોન ટીચિંગ સ્ટાફનું રસીકરણ કરવું જોઈએ. કક્ષાઓમાં બેસવાની યોગ્ય વ્યવસ્થા કરવી જોઈએ અને એક બેંચ માત્ર એક વિદ્યાર્થી માટે રિઝર્વ હોવી જોઈએ. પારેખે કહ્યુંકે બની શકે તો સ્કુલ ઓફ લાઈન અને ઓનલાઈન ક્લાસ એક સાથે આયોજિત કરે. વિદ્યાર્થી રોટેશનની જેમ ક્લાસમાં ભાગ લઈ શકે છે. સ્કૂલોના વિદ્યાર્થીઓને 2 બેચમાં વિભાજિત કરવા જોઈએ અન તેમને વૈકલ્પિક દિવસમાં ફિઝિકલ ક્લાસ માટે પણ બોલાવવા જોઈએ. કક્ષાઓને સેનેટાઈઝ કરવી જોઈએ. તમામ સ્કૂલોમાં એક ઓબ્જર્વેશન પદ્ધતિ હોવી જોઈએ. મેડિકલ ઈમરજન્સીને પહોંચી વળવા સ્કૂલના કર્મચારીઓને તાલિમ આપવી જોઈએ.
પારેખે કહ્યું કે સ્કૂલના બાળકો માટે વાહનોમાં બારીઓ બંધ હોવી જોઈએ. અન તેમા પૂરતા વેન્ટિલેશન હોવા જોઈએ. સ્પોર્ટ્સ એક્ટિવિટીઝ હાલમાં ન થવી જોઈએ. ટાસ્ક ફોર્સે સ્કૂલના મેનેજમેન્ટને સ્કૂલોને ફરી ખોલતા પહેલા વાલી- શિક્ષકોની બેઠક આયોજિત કરવાની સલાહ આપી છે. આ બેઠકમાં માતા-પિતાને વિદ્યાર્થીઓની સુરક્ષા અને સ્કૂલ દ્વારા વર્તવામાં આવતી સાવધાનીથી અવગત કરાવવા જોઈએ.