તપાસ / વડોદરામાં તબલિગી મરકઝ મામલોઃ જમાતીઓને લઇને ક્રાઇમ બ્રાંચની તપાસમાં સામે આવી ચોંકાવનારી વિગત

• વડોદરામાં તબલિગી મરકઝ મળી હોવાનો મામલો
• ક્રાઇમ બ્રાન્ચની ટિમ દ્વારા તપાસનો ધમધમાટ
• લોકડાઉન દરમિયાન નાગરવાડા વિસ્તાર છોડનારનું બનાવાયું લિસ્ટ 

વડોદરામાં તબલિગી મરખઝ મળી હોવાના મામલે ક્રાઇમ બ્રાન્ચની ટીમ દ્વારા તપાસનો ધમધમાટ જોવા મળ્યો છે. જેમાં ક્રાઇમ બ્રાંચ દ્વારા લોકડાઉન દરમિયાન નાગરવાડા વિસ્તાર છોડનારની યાદી બનાવામાં આવી છે. જેમાં આ વાયરસ વધુ ન ફેલાય તેની અગમચેતીના ભાગ રૂપે કાર્યવાહી કરવામાં આવી છે. 

જો કે ક્રાઇમ બ્રાંચ દ્વારા તપાસમાં પ્રાથમિક જાણકારી જે સામે આવી છે તેમાં શહેરમાં ભેગા થયેલા જમાતીઓ નાગરવાડા મદરેસા ખાતે રહેતા હતા. જ્યારે લોકડાઉન દરમિયાન મદરેસામાં રહેતા 16 લોકોએ વડોદરા શહેર છોડ્યું હતું. 

 

ક્રાઇમ બ્રાંચની તપાસમાં સામે આવ્યું છે કે જે 16 લોકોએ શહેર છોડ્યું છે તેમાં 13  વિદ્યાર્થીઓ અને 3 વર્કરો સામેલ હતા. આ તમામ લોકો ભરૂચ, વલસાડ, સુરત, છોટા ઉદેપુર, ભાવનગર, આણંદ અને વેરાવળના રહેવાસી હતી. જેના કારણે જે તે જિલ્લાના પોલીસને આ અંગેની જાણ કરવામાં આવી છે. 

ઉલ્લેખનીય છે કે બે દિવસ પહેલા કોરોનાના લઇને વડોદરા શહેરમાંથી મોટા સમાચાર આવ્યાં હતા. જેમાં શહેરમાં દિલ્હીની જેમ જમાત મળી હોવાના અહેવાલ પ્રાપ્ત થયા હતા. જેમાં પોલીસ દ્વારા શહેરમાં પણ તબલિગી મરકઝ મળ્યા હોવાનો ખુલાસો કરવામાં આવ્યો હતો. જેને લઇને ક્રાઇમ બ્રાંચ અને SOG ને તપાસ સોંપવામાં આવી હતી.