coronavirus / કોરોનાના કહેર વચ્ચે વડોદરામાં રેલવેના કોચમાં આઇસોલેશન વોર્ડ તૈયાર કરાયાં

• વડોદરામાં કોરોના કહેર યથાવત જોવા મળ્યો
• રેલવે વિભાગ દ્વારા કોચમાં આઇસોલેશન વોર્ડ તૈયાર કરાયાં
• 8 રેલવે કોચમાં આઇસોલેશન રૂમ તૈયાર કરવામાં આવ્યાં

કોરાના વાયરસના વડોદરામાં દર્દીઓની સંખ્યામાં દિવસે દિવસે વધારો થઈ રહ્યો છે. ત્યારે હવે રેલવે વિભાગ દ્વારા રેલવેના કોચમાં આઈસોલેશન વોર્ડ તૈયાર કરાયા છે. જેમાં 8 રેલવેના કોચમાં આઈસોલેશન રૂમ તૈયાર કરાયા છે. 

રેલવે વિભાગ દ્વારા 20 વર્ષ જૂના સ્લીપર અને જનરલ કોચમાં આઈસોલેશન રૂમ તૈયાર કરાયા છે. એક કોચમાં 8 દર્દીઓને રાખવાની સુવિધા કરવામાં આવી છે.  તંત્ર દ્વારા તૈયાર કરવામાં આવેલા આ આઇસોલેશન રૂમમાં નર્સ અને સ્ટાફ માટે પણ જગ્યા ફાળવવામાં આવી છે.

રાજ્યની સંસ્કારનગરી વડોદરામાં કુલ નવા 17 કેસ નોંધાયા હતા. આ સાથે શહેરમાં કુલ પોઝિટિવ કેસોની સંખ્યા 39 થઇ હતી. આ નવા 17 કેસ શહેરના નાગરવાડા વિસ્તારમાંથી સામે આવ્યાં હતા. જ્યારે તંત્ર દ્વારા આ વિસ્તારને કલસ્ટર ક્વોરોન્ટાઇન જાહેર કરવામાં આવ્યો છે. ઉલ્લેખનીય છે કે ગઇકાલે ત્યાં 300 સેમ્પલ લેવામાં આવ્યાં હતા.