ગુજરાતમાં કોરોના મહામારીને લઇને કહેર યથાવત જોવા મળી રહ્યો છે. ત્યારે કોરોના સામેની જંગને લઇને દેશભરમાં લોકડાઉન જાહેર કરવામાં આવ્યું છે. તેમ છતાં લોકો દ્વારા લોકડાઉનના જાહેરનામાંનો ભંગ ખુલ્લેઆમ કરી રહ્યાં હોય તેવું નજરે પડતું હોય છે. ત્યારે સુરત અને રાજકોટ ખાતે લોકડાઉન વચ્ચે લોકોની અવરજવર જોવા મળી છે.
સુરત શહેરમાં લોકડાઉનના નિયમોનો ભંગ
લોકડાઉન વચ્ચે રાજકોટમાં લોકોની અવર-જવર વધી
બિનજરૂરી બહાર નિકળતા લોકો સામે પોલીસની કાર્યવાહી
સુરત શહેરમાં લોકડાઉનના નિયમોનો ભંગ
સુરત શહેરમાં લોકો લોકડાઉનના નિયમોનો ભંગ કરી રહ્યાં છે. વિવિધ વિસ્તારમાં ઘરની બહાર નીકળતા લોકોની સંખ્યામાં વધારો થઇ રહ્યો છે. જીવન જરૂરી ચીજવસ્તુના બહાને લોકો બહાર નીકળી રહ્યાં છે.
લોકડાઉન દરમિયાન 12 હજાર કરતા પણ વધારે વાહનો જપ્ત કરવામાં આવ્યા છે. બાઇક પર ડબલ સવારી નીકળતા લોકો દંડાયા છે. કારણ વગર બહાર નીકળતા લોકોના વાહનો જપ્ત કરવામાં આવી રહ્યાં છે.
લોકડાઉન વચ્ચે રાજકોટમાં લોકોની અવર-જવર વધી
લોકડાઉન વચ્ચે રાજકોટમાં લોકોની અવર જવર વધી છે. શહેરના જિલ્લા પંચાયત ચોક ખાતે લોકો વધુ અવર-જવર કરી રહ્યાં હોવાનું જોવા મળ્યું. લોકોની અવર-જવર વધતા પોલીસ દ્વારા કડક કાર્યવાહી કરવામાં આવી રહીછે. પોલીસે બિનજરૂરી બહાર નિકળતા લોકોને અટકાવ્યાં છે.