તાજેતરમાં શરૂ થયેલી સ્પેશિયલ ટ્રેનોમાં હવે વેટિંગ ટિકિટ મળી શકશે, અત્યાર સુધી માત્ર કન્ફર્મ ટિકિટ બુક થઇ શકતી હતી. માહિતી અનુસાર, સ્પેશલ ટ્રેનોમાં Ac 1 કોચમાં 20 વેટિંગ ટિકિટ આપવામાં આવશે.
દેશમાં જલ્દીથી શતાબ્દી સહિત બીજી મેલ અને એક્સપ્રેસ ટ્રેન ચલાવવાની શરૂ થઇ જશે. આ સાથે જ તાજેતરમાં જ શરૂ થયેલી સ્પેશયલ ટ્રેનોમાં હવે વેટિંગ ટિકિટ પણ મળી શકશે. અત્યાર સુધી કન્ફર્મ ટિકિટ જ બુક થતી હતી. મળતી જાણકારી અનુસાર, સ્પેશ્યલ ટ્રેનોમાં AC 1 માં કોચમાં 20 વેટિંગ ટિકિટ આપવામાં આવશે. તો AC 2 માં 50 સીટ અને AC 3 માં 100 વેટિંગ ટિકિટ આપવામાં આવશે. જ્યારે સ્લીપરમાં તેનીસ સંખ્યા 200 હશે. જોકે RAC માં હાલમાં ટિકિટ આપવામાં નહી આવે.
ભારતીય રેલ્વેએ 12 મેથી 15 સ્પેશયલ ટ્રેનો ચલાવવાની શરૂ થઇ છે. આ પેસેન્જર ટ્રેન નવી દિલ્હીથી દિબ્રૂગઢ, અગરતલા, હાવડા, પટના, બિલાસપુર, રાંચી, ભુવનેશ્વર, સિંકદરાબાદ, બેંગલુરુ, ચેન્નાઈ, તિરુવનંતપુરમ, મડગામ,મુંબઈ સેન્ટ્રલ, અમદાવાદ અને જમ્મુ તવી માટે દોડાવાશે.
કોરોના વાયરસને લઇને નિયમો અલગ
રેલવેએ સોમવારે 15 વિશેષ ટ્રેન માટે દિશા નિર્દેશ જાહેર કર્યા હતા, જે લાગુ થઈ ચુક્યા છે. જેના પ્રમાણે યાત્રિઓને તેમનું ભોજન અને ચાદર લાવવા માટે કહેવાયું છે અને સ્વાસ્થ્યની તપાસ માટે ટ્રેનના રવાના થયા ના લગભગ 90 મિનિટ પહેલા આવવા માટે કહેવાયું છે. આ યાત્રિઓ માટે ‘આરોગ્ય સેતુ એપ’ ડાઉનલોડ કરવી પણ ફરજીયાત હશે.