મુશ્કેલી / સુરતમાં વીજ કંપની સરકારી નિયમને ઘોળી ને પી ગઇ, 2200 ઔદ્યોગિક એકમો ઉપર પડી ઘાત

• સચિન GIDCના ઔદ્યોગિક એકમો સામે વધુ એક  મુશ્કેલી
• ઉદ્યોગો શરૂ થાય તે પહેલા વીજ કંપનીએ બિલ પકડાવ્યું
• સરકારે વીજ બિલમાં ફિક્સ ચાર્જમાંથી મુક્તિ આપી હતી

લોકડાઉનમાં સુરતના સચિન GIDCના ઔદ્યોગિક એકમો સામે વધુ એક મુશ્કેલી સામે આવી છે. જેમાં GIDC ના 2200 ઔદ્યોગિક એકમો સામે વીજબિલને લઇને મુશ્કેલી આવી છે.

જેમાં સચિન GIDCમાં ઉદ્યોગો શરૂ થાય તે પહેલા જ વીજ કંપનીએ બિલ પકડાવી દીધું છે. ફિક્સ ચાર્જ સાથે વીજ કંપનીએ બિલ પકડાવ્યું છે. ઉલ્લેખનીય છે કે રાજ્ય સરકારે કોરોના વાયરસને લઇને જાહેર કરાયેલા લોકડાઉન દરમિયાન વીજ બિલમાં ફિક્સ ચાર્જમાંથી મુક્તિ આપી હતી.

જો કે વીજ કંપીનો દ્વારા આપવામાં આવેલા બિલને લઇને ઉદ્યોગકારોને રૂપિયા 2.47 કરોડ ચુકવવા પડશે.  જો કે વિજકંપની સામેના આક્રોશને લઇને GIDCના ઉદ્યોગકારો દ્વારા CM વિજય રૂપાણીને આ અંગે રજૂઆત કરવામાં આવી છે