રાજ્યભરમાં જ્યાં કોરોનાના પગલે લોકડાઉનની સ્થિતિમાં સ્વૈચ્છિક સંસ્થા સહિત અન્યો દ્વારા જરૂરિયાતમંદ લોકોને મદદ કરવામાં આવી રહી છે. ત્યારે અમદાવાદ શહેરમાં આવેલા રામોલ પોલીસ સ્ટેશન અને સામાજિક સંસ્થા દ્વારા માનવસેવાનું એક અનોખુ ઉદાહરણ પુરુ પાડવામાં આવ્યું.
કોરોના વાયરસના કારણે ગુજરાતમાં લોકડાઉન
રામોલ પોલીસ સ્ટેશન અને સામાજિક સંસ્થા માનવસેવામાં જોતરાઇ
રામોલ વિસ્તારમાં જરૂરિયાતમંદ લોકોને ભોજનનું વિતરણ કરાયું
કોરોના વાયરસના કારણે ગુજરાતમાં લોકડાઉન છે ત્યારે અમદાવાદમાં લોકડાઉન વચ્ચે રામોલ પોલીસ સ્ટેશન અને સામાજિક સંસ્થા માનવસેવામાં જોતરાઇ છે. સ્થાનિક લોકોના સહયોગથી રામોલ વિસ્તારના જરૂરિયાતમંદ લોકોને ભોજનનું વિતરણ કરી માનવ સેવા કરી હતી.
રામોલ વિસ્તારમાં સવારે અને સાંજે 4 હજાર ફૂડ પેકેટનું વિતરણ કરવામાં આવી રહ્યું છે. જેમાં છૂટક મજૂરી કરતાં લોકોને સમયસર ભોજન આપવાનું ભગીરથ કાર્ય પોલીસ અને સ્થાનિક લોકો દ્વારા કરવામાં આવી રહ્યું છે.
રામોલ પોલીસ અને સ્થાનિક લોકોના સહયોગ થકી આ વિસ્તારમાં જરૂરિયાત મંદ અને રોજ-બરોજ કમાણી કરી ગુજરાન ચલાવતા લોકોને બે ટંકનું ભોજન વિતરણ કરી માનવ સેવા કરી હતી. જેના હેઠળ રામોલ ખાતે સવાર-સાંજ 4000 ફૂડ પેકેટનું વિતરણ કરવામાં આવી રહ્યું છે.