Coronavirus / લોકડાઉન વચ્ચે દવાના બહાને નીકળતા લોકોને અટકાવવા રાજકોટ પોલીસનો નવતર પ્રયોગ

• રાજકોટમાં બિનજરૂરી બહાર નીકળતા લોકો માટે પોલીસનો નવતર પ્રયોગ
• દવાના બહાને બહાર નીકળતા લોકોને અટકાવવા નવતર પ્રયોગ
• દવા લેવા નીકળતા લોકોને અટકાવી પોલીસ પત્રિકા આપશે

ગુજરાતમાં લોકડાઉનનો કડક અમલ કરાવામાં આવી રહ્યો છે. ત્યારે રાજકોટમાં બિનજરૂરી બહાર નીકળતાં લોકોને અટકાવવા માટે પોલીસે નવતર પ્રયોગ શરૂ કર્યો છે. દવાના બહાને બહાર નીકળતા લોકોને અટકાવવા નવતર પ્રયોગ હાથ ધરવામાં આવ્યો છે. 

આમ હવે શહેરમાં  દવા લેવા નીકળતા લોકોને અટકાવી પોલીસ દ્વારા પત્રિકા આપવામાં આવશે.. આ પત્રિકામાં 5 જેટલી અલગ અલગ મેડિકલ સ્ટોરના નામ અને નંબર આપેલા છે. 

રાજકોટ પોલીસ દ્વારા આપવામાં આવેલી આ પત્રિકામાં  મેડિકલ સ્ટોરમાં ઓર્ડર કરી ઘરે બેઠા દવા મેળવી શકશો.. આ નિર્ણયથી દવાના બહાને બહાર નીકળતા લોકોને અટકાવી શકાશે. પોલીસે 5 જેટલી મુખ્ય મેડિકલ સ્ટોર ધારકો સાથે બેઠક કરી હતી.

જો કે પ્રાપ્ત મળતી વિગત અનુસાર આજે રાજકોટ શહેરમાં વાહનોની સંખ્યામાં વધારો જોવા મળ્યો છે. શહેરના મુખ્ય માર્ગો પર વાહનોની અવરજવર વધી છે. લોકડાઉન હોવા છતાં લોકો રસ્તાઓ પર જોવા મળી રહ્યાં છે. જો કે તેને લઇને પોલીસે બિનજરૂરી વાહનોને રોકવા કડક કાર્યવાહી કરવાની કવાયત હાથ ધરી છે.