ભારતમાં કોરોના વાયરસનો કહેર યથાવત્ જોવા મળી રહ્યો છે. દેશમાં કોરોનાના 6387 નવા કેસસામે આવ્યાં, જેને લઇને કુલ કેસોનો આંકડો 1,50,000 પાર પહોંચી ગયો છે. માત્ર 10 દિવસમાં કેસ 1,00,000થી 1,50,000 સુધી પહોંચી ગયો છે. જેને લઇને એ સ્પષ્ટ થઇ ગયું છે કે કોરોના સંક્રમણ ઝડપથી લોકોને ઝપેટમાં લઇ રહ્યું છે.
મે મહિનામાં 1,00,000થી વધારે કેસ
ભારતમાં કોરોના વાયરસનો પહેલો કેસ 30 જાન્યુઆરીના રોજ સામે આવ્યો હતો. પછી ફેબ્રુઆરીમાં સુધી ઝડપ ધીમી હતી. 30 એપ્રિલ સુધીમાં કુલ કેસોની સંખ્યા 34,866 પર પહોંચી ગઇ હતી. ત્યારબાદ મે મહિનામાં કોરોના પોઝિટિવ કેસોની સંખ્યા સૌથી વધારે જોવા મળી. માત્ર 27 દિવસમાં 1,16,901 કેસ નોંધાયા. દેશમાં 50 હજારથી 1 લાખ સુધી કોરોના કેસ પહોંચવામાં 12 દિવસ લાગ્યાં, જ્યારે નવા 50 હજાર કેસ નોંધાતા 10 દિવસ પણ ન લાગ્યાં. જ્યારે 50 હજાર સુધી પહોંચવામાં દેશમાં ત્રણ મહિના જેટલો સમય લાગ્યો હતો.
તારીખ
કુલ કોરોનાના કેસ
દિવસ
26મે
1,51,767
10 દિવસ
18 મે 2020
1,00,326
12 દિવસ
06 મે 2020
53,007
અંદાજે 3 મહિના
30 જાન્યુઆરી
પહેલો કોરોના વાયરસ કેસ
24 કલાકમાં 170 લોકોનાં મોત
દેશમાં છેલ્લા 24 કલાકમાં 6,387 કોરોના વાયરસના પોઝિટિવ કેસ સામે આવ્યાં છે, જ્યારે 170 લોકોનાં મોત થયા છે. અત્યાર સુધીમાં કુલ 64,425 લોકો સાજા થઇ ગયા છે. જ્યારે 83,000ની આસપાસ કેસ એક્ટિવ છે. કુલ 4337 લોકોની કોરોના વાયરસથી મૃત્યું થયા છે. સૌથી વધારે મૃત્યું મહારાષ્ટ્રમાં થયા છે. મહારાષ્ટ્રમાં અત્યાર સુધીમાં 1,792 લોકોના મોત થયા છે.
ટોપ-10 દેશોમાં ભારત સામેલ
કોરોના વાયરસના પોઝિટિવ કેસોની સંખ્યામાં સતત થઇ રહેલા વધારાને લઇને ભારત ટોપ-10 દેશમાં સામેલ થઇ ગયું છે. ભારતથી આગળ હવે અમેરિકા-1,725,275, બ્રાઝિલમાં 3,94,507, રશિયામાં 3,62,342, સ્પેનમાં 2,83,339, બ્રિટેનમાં 2,65,227, ઇટાલીમાં 2,30,555, ફ્રાંસમાં 1,82,722, જર્મનીમાં 1,81,288 અને તુર્કીમાં 1,58,762 છે.