ગુજરાતમાં કોરોના વાયરસનો કહેર જોવા મળી રહ્યો છે. કોરોના વાયરસના પોઝિટિવ કેસોની સંખ્યામાં સતત વધારો જોવા મળી રહ્યો છે. રાજ્યના 4 મહાનગરોમાં કોરોનાને લઇને પરિસ્થિતિ વધુ વણસી રહી છે. ત્યારે રાજ્યના અરવલ્લીના ભિલોડા પોલીસ મથકમાં આરોપીને કોરોના પોઝિટિવ આવતાં પોલીસકર્મીઓ પર કોરોનાનો ખતરો મંડરાઇ રહેલો જોવા મળી રહ્યો છે.
અરવલ્લીના ભિલોડા પોલીસ મથકના કર્મીઓ પર કોરોનાનો ખતરો
એક આરોપીનો કોરોના રિપોર્ટ આવ્યો છે પોઝિટિવ
આરોપી પોઝિટિવ આવતા પોલીસકર્મીઓમાં ભય
પ્રાપ્ત મળતી વિગત અનુસાર રાજ્યના અરવલ્લીના ભિલોડા પોલીસ મથકમાં એક આરોપીનો કોરોના રિપોર્ટ પોઝિટિવ આવ્યો છે. આ સાથે આરોપીનો પોઝિટિવ આવતાં પોલીસકર્મીઓમાં ભયનો માહોલ જોવા મળી રહ્યો છે.
ભિલોડા પોલીસ મથકમાં આરોપીને કોરોના પોઝિટિવ આવતાં પોલીસ મથકના કર્મીઓ પર કોરોનાનો ખતરો જોવા મળી રહ્યો છે. જો કે હજુ સુધી પોલીસ મથકના કર્મીઓને ક્વોરન્ટાઇન કરાયાં નથી.
ભિલોડાના કરણપુર ગામના કોરોના પોઝિટિવ યુવક સામે FIR થઇ છે. પોલીસ પર જાહેરનામાનાં ગુનાઓ લાવવા દબાણની પણ ચર્ચા થઇ રહી છે.
એક અન્ય માહિતી મુજબ અરવલ્લીના મેઘરજનગરની એક સોસાયટીમાં યુવકનો કોરોનાના રિપોર્ટ પોઝિટિવ આવ્યો હતો. જો કે યુવકને કોરોના સંક્રમિત હોવાની જાણ થતા ફરાર થઇ ગઇ હતો. જો કે આ અંગેની જાણ થતાં આરોગ્ય વિભાગ અને પોલીસની ટીમે આખી રાત દોડધામ કરી, જો કે હજુ સુધી કોરોના ગ્રસ્ત યુવક પોલીસ પકડ થી દૂર હોવાનું જાણવા મળ્યું છે.