લોકડાઉનની અવદશા / ભુખ્યો યુવાન પોલીસને ભુખની ફરિયાદ કરવા પહોંચ્યો, કહ્યું મારા 4 બાળકોએ બે દિવસથી ચા પણ નથી પીધી

• સિદ્ધપુર શહેરમાં એક લાચાર યુવક પોલીસ સ્ટેશને પહોચ્યો
• ભૂખ્યા બાળકો સાથે યુવક પોલીસ સ્ટેશને પહોચ્યો
• ધંધા-વેપાર વગર સામગ્રીની અછત હોવાનો યુવકે કર્યો દાવો

પાટણના સિદ્ધપુર શહેરમાં એક લાચારીનો વીડિયો વાઇરલ થયેલો સામે આવ્યો છે. આ કોરોનાના કારણે લોકડાઉન વચ્ચે એક ગરીબ ડ્રાઇવર પોતાના ભુખ્યા બાળકો સાતે પોલીસ સ્ટેશન પહોંચ્યો છે. આ એક ગરીબ ડ્રાઇવર જ્યારે પોલીસ સ્ટેશન પહોંચ્યો ત્યારે કોઇ યુવાને આ ગરીબ  પરીવારનો વડીયો બનાવ્યો છે. 

રાજ્યમાં લોકડાઉન વચ્ચે પાટણમાં લાચાર યુવકની અવદશા છતી થઇ છે જેનો વાયરલ વીડિયો સામે આવ્યો છે. લોકડાઉન વચ્ચે સિદ્ધપુર શહેરમાં એક લાચાર યુવક પોતાના પરિવારના ભૂખ્યા બાળકો સાથે પોલીસ સ્ટેશન પહોંચ્યો હતો. આ યુવકે પોલીસ સ્ટેશનમાં દાવો કર્યો કે પોતાના ઘરમાં ધંધો-વેપાર વગર સામગ્રીની અછત છે. 

યુવકે સિદ્ધપુર શહેરના પોલીસ સ્ટેશનમાં જણાવ્યું કે તેના ઘરમાં છેલ્લા 2 દિવસથી ચા પણ મળી શકી નથી તેવું રટણ કર્યું. આ યુવકે સિદ્ધપુર ખાતેના પોલીસ સ્ટેશનમાં પોતાનો પરિવાર ભુખ્યો હોવાની પોલીસ સ્ટેશનમાં અરજી આપી છે. 

સિદ્ધપુરમાં જીઆઇડીસીના ચેરમેન બળવંતસિંહ રાજપુત, ધારાસભ્ય ચંદનજી ઠાકોર, પૂર્વ આરોગ્ય મંત્રી જયનારાયણ વ્યાસ સહિતના નેતાઓ હોવા છતાં પણ ગરીબ જનતાની થઈ આજે અવદશા આવી જોવા મળી છે. આ વાયરલ વીડિયોને લઇને તંત્ર દ્વારા ગરીબો સુધી ભોજન પહોંચાડવામાં આવી રહેલા દાવા સામે સવાલ ઉભા થઇ રહ્યાં છે. 

સળગતા સવાલ...

• લોકડાઉને આવી કરી અવદશા
• માસૂમ બાળકોનો શું વાક?
• બાળકોને નથી મળતુ જમવાનું?
• આ બાળકોનું ભરણ પોષણ કેમ નહી?
• બાળકો સુધી કેમ નથી પહોંચતુ ભોજન?
• સરકારની જાહેરાત માત્ર કાગળ પર?