લૉકડાઉન / શ્રમિકોને વતન જવા ગુજરાત સરકારની સાઈટ પર રજિસ્ટ્રેશન કરવાનું પરંતુ અંગ્રેજીમાં, મૂંઝાય નહીં તો શું થાય?

• ગુજરાત બહાર જવા અને આવવા માટે કરવી પડશે ઓનલાઇન અરજી
• જોકે આ સેવા માત્ર અંગ્રેજીમાં ઉપલબ્ધ છે
• જાણો કેવી રીતે અરજી કરી શકાશે

રાજ્ય સરકારે digitalgujarat.gov.in પોર્ટલ તૈયાર કર્યું છે. જેમાં ગુજરાત બહાર જવા માટે અને ગુજરાતમાં આવવા માટે ઓનલાઇન અરજી કરી શકાશે. ત્યારે ગુજરાતમાં પરપ્રાંતિય વિદ્યાર્થીઓ, પ્રવાસીઓ અને સૌથી વધુ શ્રમિકો ફસાયા છે. તેવામાં આ વેબ પોર્ટલ પર અરજી ફોર્મ માત્ર અંગ્રેજીમાં હોવાથી શ્રમિકો મૂશ્કેલીમાં મુકાઇ શકે છે. ઓછો અભ્યાસ કરેલા શ્રમિકો માટે આ ફોર્મ ભરવું મુશ્કેલ છે.

આંતરરાજ્ય પરપ્રાંતીય લોકો અને અન્ય લોકોને પોતાના વતન જવા માટે કેન્દ્ર સરકાર દ્વારા મંજૂરી આપવામાં આવી છે. પરંતુ સરકારની નક્કી કરવામાં આવેલી ગાઈડલાઈન અનુસાર નિયમોનું પાલન કરવાનું રહેશે. વ્યક્તિ, જૂથ, સમૂહ જેઓ પોતાના વતન રાજ્યમાં જવા માંગતા હોય તો તેમણે સૌપ્રથમ આરોગ્ય વિભાગ દ્વારા નક્કી કરવામાં આવેલા સેન્ટર પર આરોગ્ય ચકાસણી કરવાની રહેશે. જ્યાંથી તેમણે કોઈ લક્ષણ ના ધરાવતા હોવાનું પ્રમાણપત્ર મેળવવાનું રહેશે.

રાજ્ય સરકારેની digitalgujarat.gov.in પોર્ટલ પર સૌપ્રથમ રજીસ્ટ્રેશન કરવાનું રહેશે. ત્યાર બાદ નામ, મોબાઈલ નંબર, આઈડી પ્રૂફ અને ટ્રાન્સપોર્ટેશન અંગેની માહિતી ભરવાની રહેશે. આ પાસ મેળવવા માટે ઓનલાઈન અરજી કરવા અંગે ગુજરાત પોલીસ દ્વારા ટ્વિટ પણ કરવામાં આવ્યું છે. જોકે ટ્વિટ પર ગુજરાત પોલીસે હિન્દીમાં કેપ્શન લખ્યું છે. ત્યારે જો ગુજરાત સરકારે અંગ્રેજીની સાથે હિન્દી ફોર્મની વ્યવસ્થા કરી હોત તો લોકોને ફોર્મ ભરવામાં વધુ સરળતા રહેત.

गुजरात राज्य में और गुजरात बहार जाने के लिए Lockdown Excemption Pass के लिए आपhttps://t.co/sJoWfsTynU

पर से आवेदन कर सकते हे ।

उसके लिए आपको पहले रजिस्ट्रेशन करना पडेगा । pic.twitter.com/FTdm5ZiMrG

— Gujarat Police (@GujaratPolice) May 1, 2020

જાણો કેવી રીતે અરજી કરી શકાશે

• સૌપ્રથમ ગુજરાત સરકારની www.digitalgujarat.gov.in વેબસાઇટ ખોલવાની રહેશે
• ત્યારબાદ તેમાં રજિસ્ટ્રેશન (Registration) કરવાનું રહેશે.
• આ રજિસ્ટ્રેશન કર્યા બાદ બિઝનેસ અર્થે બહાર જવું હોય તો Lock Down Exemption Pass પર ક્લિક કરો
• જો બીજા રાજ્યમાં કે પોતાના વતન જવું હોય તો Lock Down Exemption Pass for inter-state પર ક્લિક કરો
• ક્લિક કર્યાં બાદ તમારું નામ, સરનાનું, મોબાઈલ નંબર અને ઈમેલ આઈડી અને જ્યાં જવાનું હોય તે રાજ્યનું નામ જેવી વિગતો ભરવાની રહેશે
• જોકે ઓનલાઇન અરજીમાં જે વાહનથી જવું છે તેનો નંબર લખવો ફરજીયાત છે, સાથે રૂટની વિગતો ભરવી પડશે
• ત્યાર બાદ રિટર્ન જર્ની તથા અન્ય વ્યક્તિઓ હોય તો તેમના નામ અને ઓળખ સહિતની વિગત એડ પેસેન્જરમાં ભરવી
• ડ્રાઈવિંગ લાયસન્સ, ઓળખ કાર્ડ, આધાર કાર્ડમાંથી કોઈપણ એક ડોક્યુમેન્ટ અપલોડ કરવું અથવા નંબર નાંખવા પડશે

આ બાબતોનું રાખવું પડશે ધ્યાન

• તાવ, ઉધરસ કે શરદી અને અન્ય કોઇ ગંભીર બીમારીના લક્ષણો જણાશે તો પરવાનગી આપવામાં આવશે નહીં. જે સંપૂર્ણરીતે સ્વસ્થ હશે તે જ જઇ શકશે
• નોડલ અધિકારીઓ દ્વારા ગુજરાતના લોકોને પરત લાવવા માટે પ્રોસેસ હાથ ધરાશે.
• ગુજરાતના લોકોને પર લાવવાની કામગીરી આગામી 10થી 15 દિવસમાં પૂર્ણ કરવામાં આવશે
• કોઇએ ઉતાવળ કરીને તાત્કાલિક કલેક્ટર કે મામલતદાર કચેરીએ ભેગા થવાની જરૂર નથી
• આ માટે સરકારની પોર્ટલ પર લોકોએ ઓનલાઇન અરજી કરવાની રહેશે
• ટ્રાન્સપોર્ટેશનની વ્યવસ્થા જે તે ગ્રૂપ દ્વારા ભરવામાં આવશે