ગુજરાતમાં કોરોનાના વધુ 4 કેસ પોઝિટવ સામે આવ્યા છે જેમાં ભાવનગરમાં 2, વડોદરામાં 1 અને સુરતમાં 1 કેસ કોરોનાનો નોંધાયો છે. સુરત શહેરની વાતક કરીએ તો છેલ્લા થોડા દિવસોમાં કોરોના પોઝિટિવ દર્દીઓની સંખ્યામાં વધારો થઇ રહ્યો છે શહેરના સૌથી મોટા વિસ્તારને હોમ ક્વોરોન્ટાઇન જાહેર કરવામાં આવ્યો છે.
સુરતમાં સૌથી મોટો વિસ્તાર હોમ ક્વોરોન્ટાઇન જાહેર કરાયો
અડાજણ પાટીયાથી ડભોલી બ્રિજ સુધીનો વિસ્તાર ક્વોરોન્ટાઇન
આ વિસ્તારમાં લોકડાઉન ભંગની સૌથી વધુ ફરિયાદ નોંધાઇ
રાજ્યમાં વધતાં કોરોનાના કહેર વચ્ચે સુરતમાં સૌથી મોટા વિસ્તારને હોમ ક્વોરોન્ટાઇન જાહેર કરાયો છે. શહેરનો અડાજણ પાટીયાથી ડભોલી બ્રિજ સુધીનો વિસ્તાર ક્વોરોન્ટાઇન જાહેર કરાયો છે.
આ વિસ્તારમાં લોકડાઉન ભંગની સૌથી વધુ ફરિયાદ નોંધાઇ હતી. આ વિસ્તારના લોકોને 14 તારીખ સુધી ફરજિયાત ઘરે રહેવા આદેશ કરાયો છે. જે લોકો જાહેરનામાંનો ભંગ કરશે તેઓ વિરુદ્ધ કડક કાર્યવાહી હાથ ધરવામાં આવશે તેવુ જણાવામાં આવ્યું.
શહેરના અડાજણ પાટીયા, કોઝવે રોડ, ગોરાટ, રાંદેર ગામ હનુમાન ટેકરી અને ભાણકી સ્ટેડિયમની આજુબાજુના વિસ્તારને પણ ક્વોરોન્ટાઇન જાહેર કરાયો છે. આ વિસ્તારમાં 5 દિવસમાં 5 કેસ પોઝિટિવ સામે આવ્યા છે.