અસર / કોરોનાના પગલે લોકડાઉનના કારણે જૂનાગઢમાં એશિયાના સૌથી મોટા રોપ-વેનું કામ ઠપ

• જૂનાગઢમાં એશિયાના સૌથી મોટા રોપ-વેનું કામ ઠપ
• લોકડાઉનને લીધે રોપ વેની કામગીરી અટકી
• ઇજનેરો વિદેશથી આવી ન શકતા હોવાથી કામગીરી બંધ

રાજ્યના જૂનાગઢમાં એશિયાનો સૌથી મોટા રોપ-વે બની રહ્યો છે, પરંતુ હાલ રોપ-વેનું કામ ઠપ થઇ ગયું છે. કોરોના વાયરસ મહામારીમાં લોકડાઉનને લીધે રોપ વેની કામગીરી અટકી ગઇ છે. ઇજનેરો વિદેશથી આવી ન શકતા હોવાથી કામગીરી બંધ કરવામાં આવી છે. કોરોના કહેરને લઇને ઓસ્ટ્રેલિયાના ઇજનેરો પરત ફર્યા છે.

કોરોના વાયરસના કારણે લોકડાઉનને લઇને હાલ રાજ્યમાં વિવિધ વિકાસ કામોમાં અસર જોવા મળી રહી છે. લોકડાઉનના કારણે અનેક કારણોને લઇને વિવિધ કામગીરી ઠપ થઇ ગઇ છે. દેશભરમાં કોરોનાના લઇને લોકડાઉન વચ્ચે  વિદેશથી આવેલા લોકો પોતાના દેશમાં પરત ફરતાં તેની અસર અહી કામો પર પણ જોવા મળી. જેમાં જૂનાગઢ ખાતે ઓસ્ટ્રિયાના બે ઇજનરો સ્વદેશ પરત ફરતા હવે લોકડાઉન ખુલ્યા બાદ પરત ફરશે. 

જો કે અત્યાર સુધીમાં જૂનાગઢ ખાતે ગિરનાર રોપ વેમાં સૌથી ઉંચો 30 મીટરનો ટાવર જેન દેરાસર પાસેનો હતો. જો કે આ ટાવર સાથે અપર સ્ટેશન પાસેના ટાવરના કામો થઇ ગયા છે. જો કે આ સાથે લોકડાઉનના પગલે જૂનાગઢ ખાતે બાયપાસની કામગીરી પણ અટકી પડી છે. કોરોના વાયરસના કારણે લોકડાઉનના પગલે કામગીરી અટકી પડી છે. લોકડાઉન ખુલ્યાબાદ પરપ્રાંતિય શ્રમિકો પરત ન ફરે ત્યાં સુધી કામગીરી શરૂ નહી થઇ શકે.